ചെറുവത്തൂര്‍: ധാര്‍മിക വിദ്യാഭ്യാസരംഗത്ത് വിദ്യാര്‍ഥി സമൂഹത്തിന് ഏറെ പ്രതീക്ഷയും ഉയര്‍ച്ചയും നല്‍കുന്ന സമസ്ത കേരള സുന്നിബാലവേദിയുടെ എല്ലാ പ്രവര്‍ത്തനങ്ങളും മനസോടെ ഏറ്റെടുക്കുക വഴി ജീവിതത്തില്‍ ലഭ്യമാകുന്ന അവസരങ്ങള്‍ ഉപയോഗപ്പെടുത്താന്‍ വിദ്യാര്‍ഥികള്‍ തയാറാവണമെന്ന് എസ്.വൈ.എസ് ജില്ലാ പ്രസിഡന്റ് ടി.കെ പൂക്കോയ തങ്ങള്‍ ചന്തേര പറഞ്ഞു. സമസ്ത കേരള സുന്നി ബാലവേദി ജില്ലാ വാര്‍ഷിക കൗണ്‍സില്‍ മീറ്റ് ചെറുവത്തൂര്‍ കൊവ്വല്‍ താജുല്‍ ഇസ്‌ലാം മദ്‌റസയില്‍ ഉദ്ഘാടനം ചെയ്യുകയായിരുന്നു അദ്ദേഹം.
സത്താര്‍ കൊല്ലമ്പാടി നഗറില്‍ രാവിലെ മുദരിസ് മുഹമ്മദ് ബഷീര്‍ ബാഖവിയുടെ നേതൃത്വത്തില്‍ മഖാം സിയാറത്തോടെ തുടക്കം കുറിച്ചു. താജുല്‍ ഇസ്‌ലാം ജമാഅത്ത് പ്രസിഡന്റ് എം.കെ.എസ് തങ്ങള്‍ പതാക ഉയര്‍ത്തി. എം.കെ അബ്ദുല്‍ ഖാദര്‍ ഹാജി രജിസ്‌ട്രേഷന്‍ ഉദ്ഘാടനം ചെയ്തു. തുടര്‍ന്ന് ജില്ലാ ചെയര്‍മാന്‍ ജമാലുദ്ദീന്‍ ദാരിമിയുടെ അധ്യക്ഷതയില്‍ കൗണ്‍സില്‍ മീറ്റ് തുടങ്ങി.
27 റെയ്ഞ്ചുകളില്‍ നിന്നായി 150 പ്രതിനിധികള്‍ പങ്കെടുത്തു. പരിയാരം മെഡിക്കല്‍ കോളജ് അസി. പ്രൊഫസര്‍ ഷാഹിദ്, ഖയ്യൂം മാന്യ വിവിധ സെഷനുകള്‍ക്കു നേതൃത്വം നല്‍കി. ജില്ലാ ജനറല്‍ സെക്രട്ടറി ആബിദ് അലി കൊവ്വല്‍ വാര്‍ഷിക റിപ്പോര്‍ട്ട് അവതരിപ്പിച്ചു. സ്റ്റേറ്റ് നിരീക്ഷകന്‍ നാസിഫ് തൃശൂര്‍ നേതൃത്വം വഹിച്ചു. കണ്‍വീനര്‍ അബ്ദുല്‍ നാസര്‍ ഫൈസി പാവന്നൂര്‍ സത്താര്‍ കൊല്ലമ്പാടി അനുസ്മരണ പ്രഭാഷണം നടത്തി. സമാപന സംഗമം ജില്ലാ ജംഇയ്യത്തുല്‍ മുഅല്ലിമിന്‍ ഉപാധ്യക്ഷന്‍ ഹാശിം ദാരിമി ആലംപാടി ഉദ്ഘാടനം ചെയ്തു. സാരഥീസംഗമം ഖിദ്മ വളണ്ടിയേഴ്‌സിനെ ആദരിച്ചു. ടി.കെ.സി അബ്ദുല്‍ ഖാദര്‍ ഹാജി, ജമാല്‍ ഫൈസി പടന്ന, നൂറുദ്ദീന്‍ മൗലവി കുന്നുംകൈ, കെ.എം ശംസുദ്ദീന്‍ ഹാജി, അഷ്‌റഫ് കോളേത്ത്, സഈദ് ദാരിമി പടന്ന, ശബീര്‍ കോളേത്ത്, യാസിര്‍ അറഫാത്ത് ചെര്‍ക്കള, അന്‍ഷാദ് ബല്ലാകടപ്പുറം, ആബിദ് അലി കൊവ്വല്‍, അബ്ബാസലി കുമ്പള, ഹാശിം ഹുദവി, ജുനൈദ് യമാനി ഒളവറ, അബ്ബാസലി കുമ്പള, തൈസീര്‍ അണങ്കൂര്‍ സംസാരിച്ചു.
ഭാരവാഹികള്‍: തൗഫൂക് റഹ്മാന്‍ പാണത്തൂര്‍ (പ്രസിഡന്റ്), അനസ് ബോവിക്കാനം, മുസമ്മില്‍ തൃക്കരിപ്പൂര്‍, അബ്ദുല്‍ ബാസിത്ത് മഞ്ചേശ്വരം (വൈസ് പ്രസിഡന്റുമാര്‍), തൈസീര്‍ അണങ്കൂര്‍ (ജനറല്‍ സെക്രട്ടറി), സിയാദ് ചിത്താരി, സഅദ് ആരിക്കാടി, സവാദ് ആലംപാടി (ജോയിന്റ് സെക്രട്ടറിമാര്‍), ആബിദ് വക്കീല്‍ ചെര്‍ക്കള (ട്രഷറര്‍), അര്‍ഷാദ് കോട്ടിക്കുളം, ശഹബാസ് പെരുമ്പട്ട, അഫ്‌സല്‍ ബന്ദിയോട് (സംസ്ഥാന കൗണ്‍സിലര്‍മാര്‍)