പാലക്കാട്:കുട്ടികളെ ശാസ്ത്രജ്ഞരാക്കുന്നതിനുള്ള ദേശീയ ബാല ശാസ്ത്ര കോണ്‍ഗ്രസ് ശില്പശാല ജില്ലാ സയന്‍സ് ക്ലബ് സെക്രട്ടറി ജോബി തരകന്‍ ഉദ്ഘാടനം ചെയ്തു. പാലക്കാട് ബി.ഇ.എം. ഹൈ സ്‌കൂളില്‍ കുട്ടികള്‍ക്കും, ഗൈഡ്മാര്‍ക്കും നടന്ന പരിശീലന പരിപാടിയില്‍ പാലക്കാട്,റെവന്യൂ ജില്ലയിലെ വിവിധ വിദ്യാഭ്യാസ ജില്ലകളില്‍ നിന്നും കുട്ടികളും അധ്യാപകരും, രക്ഷിതാക്കളും പങ്കെടുത്തു.
വിദ്യാഭ്യാസം മുടങ്ങിയവര്‍ക്കും, അംഗ വൈകല്യം സംഭവിച്ചവര്‍ക്കും മത്സരത്തില്‍ പങ്കെടുക്കാമെന്ന പ്രത്യേകത ഈ മത്സരത്തിനുണ്ട്. പ്രോജക്ടുകള്‍ മലയാള ഭാഷയില്‍ അവതരിപ്പിക്കാം. പരിസര ശുചിത്വം , പരിസ്ഥിതി സംരക്ഷണം, ആരോഗ്യ സുരക്ഷ എന്നീ മേഖലകളിലെ പുതിയ ആശയം, കണ്ടുപിടുത്തം, മാറ്റം എന്നിവ ശാസ്ത്രീയ പിന്‍ബലത്തോടെ കുട്ടികളുടെ പ്രായത്തിനുസരിച്ചുള്ള കണ്ടെത്തലുകലും പരീക്ഷണവും നടത്തിയതിന്റെ അടിസ്ഥാനത്തിലായിരിക്കും തിരഞ്ഞെടുക്കപ്പെടുക.
നവംബര്‍ ആദ്യവാരം നടക്കുന്ന ജില്ലാമത്സരം, മൂന്നാം വാരം നടക്കുന്ന , സംസ്ഥാന മത്സരം കഴിഞ്ഞ് ഡിസംബര്‍ അവസാനം ദേശീയതലത്തില്‍ തിരഞ്ഞെടുക്കപ്പെടുന്ന ബാലശാസത്രജ്ഞര്‍ക്ക് അവരുടെ കണ്ടെത്തലുകള്‍ യാഥാര്‍ത്ഥ്യമാക്കുന്നതിനുള്ള സഹായം സര്‍ക്കാര്‍ വഹിക്കും, അന്താരാഷ്ട്ര ശാസത്ര മേളകളിലും ഇവര്‍ക്ക്പങ്കെടുക്കാം. പൂരിപ്പിച്ച അപേക്ഷാ ഫോറവും, പദ്ധതി സംക്ഷിപ്തവും ഒക്ടോബര്‍ 12 നകം അതാത് വിദ്യാഭ്യാസ ജില്ലാ കോഓര്‍ഡിനേറ്റര്‍മാര്‍ക്ക് എത്തിക്കണമെന്ന് റെവന്യൂ ജില്ലാ കോഓര്‍ഡിനേറ്റര്‍ എസ്. ഗുരുവായൂരപ്പന്‍ അറിയിച്ചു. ഫോണ്‍: മണ്ണാര്‍ക്കാട് 9497351020, ഒറ്റപ്പാലം 97464 72004 പാലക്കാട് 94469 61852. പരിശീലന പരിപാടിയില്‍ വിവിധ കോഓര്‍ഡിനേറ്റര്‍മാരായ അജിത് എ.സി., അജേഷ് കോട്ടായി, വാസുദേവന്‍. ആര്‍. ഗോകുലദാസ് കെ ജയലേഖ.ജി , സോണിത. എം.എസ് .എന്നിവര്‍ ക്ലാസ്സുകള്‍ നയിച്ചു.