താമരശ്ശേരി: യൂനിറ്റ് വ്യാപാരി വ്യവസായി ഏകോപന സമിതിയുടെ ആഭിമുഖ്യത്തില്‍ കൊടുവള്ളി നിയോജക മണ്ഡലം എം.എല്‍.എ കാരാട്ട് റസാഖിനു സ്വീകരണം നല്‍കി. താമരശ്ശേരി താലൂക്ക് ആശുപത്രിയുടെയും കെ.എസ്.ആര്‍.ടി.സി ഡിപ്പോയുടെയും പ്രശ്‌നങ്ങള്‍ക്കു പരിഹാരം കാണുമെന്നും ബസ് സ്റ്റാന്‍ഡ് ഷോപ്പിങ് കോംപ്ലക്‌സുകള്‍ കുറ്റമറ്റതാക്കുമെന്നും എം.എല്‍.എ പറഞ്ഞു.
യൂനിറ്റ് പ്രസിഡന്റ് പി.സി അഷ്‌റഫ് അധ്യക്ഷനായി. ഗ്രാമപഞ്ചായത്ത് പ്രസിഡന്റ് കെ. സരസ്വതി, വി.വി.ഇ.എസ് സെക്രട്ടറി അമീര്‍ മുഹമ്മദ് ഷാജി, ഒ. അബ്ദുല്‍ മജീദ്, വി.സി ഹാരിസ്, ഹാഫിസുറഹ്മാന്‍, അബ്ദുല്‍ ലത്തീഫ്, റസീന, സുരേഷ് സംസാരിച്ചു.