പുളിക്കല്‍: പുളിക്കല്‍ അങ്ങാടിയിലെ ഓട്ടോറിക്ഷകള്‍ തിങ്കളാഴ്ച ഓടുന്നതു കാരുണ്യവഴിയില്‍. പുളിക്കല്‍ പെയിന്‍ ആന്റ് പാലിയേറ്റീവ് യൂനിറ്റിന്റെ പ്രവര്‍ത്തനങ്ങള്‍ക്കു വേണ്ടിയാണ് ഒരു ദിവസത്തെ ഓട്ടോറിക്ഷകളുടെ ഓട്ടം.
 ഇതില്‍ നിന്നു ലഭിക്കുന്ന വരുമാനം തൊഴിലാളികളും ഉടമകളും കാരുണ്യവഴിയിലേക്കു നീക്കിവെക്കാനാണു തീരുമാനിച്ചത്.
200ലധിതം ഓട്ടോറിക്ഷകളാണു പുളിക്കല്‍ അങ്ങാടി കേന്ദ്രീകരിച്ചുള്ളത്.ഓട്ടോറിക്ഷ കോഡിനേഷന്‍ കമ്മറ്റിയുടെ നേതൃത്വത്തില്‍ നേരത്തേയും പാലിയേറ്റീവ് കെയറിനു വേണ്ടി സര്‍വിസ് നടത്തിയിട്ടുണ്ട്.
മേഖലയില്‍ മികച്ച രീതിയില്‍ പ്രവര്‍ത്തിച്ചു വരുന്ന പുളിക്കല്‍ പാലിയേറ്റീവ് സെന്റര്‍ നിരവധി രോഗികള്‍ക്കും കിടപ്പിലായവര്‍ക്കുമാണ് ആശ്വാസം പകരുന്നത്.