ചുങ്കത്തറ: സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് പുനരധിവാസ പദ്ധതി പ്രകാരം ഭവനരഹിതര്‍ക്ക് വീട് നിര്‍മിക്കുന്നതിന് സൗജന്യമായി ഭൂമി കൈമാറി.
ചുങ്കത്തറ പഞ്ചായത്തിലെ കൈപ്പിനി കവലയില്‍ ലഭിച്ച 20 സെന്റ് സ്ഥലം ആണ് നാല് പേര്‍ക്ക് വീട് നിര്‍മാണത്തിന് കൈമാറിയത്. ബുസ്താനുല്‍ ഉലൂം മദ്‌റസാ ഓഡിറ്റോറിയത്തില്‍ നടന്ന ചടങ്ങില്‍ സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് ജനറല്‍ സെക്രട്ടറി എം.ടി അബ്ദുല്ല മുസ്‌ലിയാര്‍ സ്ഥലത്തിന്റെ രേഖകള്‍ കൈമാറി.
പ്രദേശത്തെ സറീന എന്ന സ്വകാര്യ വ്യക്തി എടരിക്കോട് ആസ്ഥാനമായി പ്രവര്‍ത്തിക്കുന്ന സോഷ്യല്‍ സര്‍വിസ് മൂവ്‌മെന്റിന് ഏല്‍പ്പിച്ച സ്ഥലം എസ്.എസ്.എം സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡിന് കൈമാറുകയായിരുന്നു. സമസ്ത കേരള ജംഇയ്യത്തുല്‍ മുഅല്ലിമീന്‍ സെന്‍ട്രല്‍ കൗണ്‍സില്‍ സെക്രട്ടറി വാക്കോട് മൊയ്തീന്‍കുട്ടി ഫൈസി അധ്യക്ഷത വഹിച്ചു. അബ്ദുല്‍ ഹമീദ് ഫൈസി അമ്പലക്കടവ്, ഇ. മൊയ്തീന്‍ ഫൈസി പുത്തനഴി, ഡോ. സാലിം ഫൈസി കൊളത്തൂര്‍, സുലൈമാന്‍ ഫൈസി ചുങ്കത്തറ, കെ.ടി കുഞ്ഞാന്‍ ചുങ്കത്തറ, കെ.കെ അമാനുല്ല ദാരിമി, സിദ്ദീഖ് ഫൈസി വെളുമ്പിയം, സുലൈമാന്‍ ദാരിമി, പി.കെ സഅദ് ഫൈസി, പി.എച്ച് ഇബ്‌റാഹീം, ഇസ്ഹാഖ് അടുക്കത്ത്, അബ്ദുറഹ്മാന്‍ ദാരിമി, എം.എ സിദ്ദിഖ്, റഷീദ് ബാഖവി, പനോളി മുഹമ്മദ് ഹാജി, ശമീം ഫൈസി പങ്കെടുത്തു. കെ. മോയിന്‍ കുട്ടി മാസ്റ്റര്‍ സ്വാഗതവും സലിം എടക്കര നന്ദിയും പറഞ്ഞു.