കൊച്ചി: എറണാകുളം കുറുപ്പംപടിയില്‍ അതിഥി തൊഴിലാളിയെ കൊലപ്പെടുത്തിയ കേസില്‍ രണ്ട് പ്രതികളെ പൊലിസ് അറസ്റ്റ് ചെയ്തു. അസം സ്വദേശികളായ പ്രഞ്ജല്‍ ബോറ (30), ബബുള്‍ ബറാലി (30) എന്നിവരെയാണ് കുറുപ്പംപടി പൊലീസ് പിടികൂടിയത്.

കൊല്ലപ്പെട്ടത് പ്ലൈവുഡ് കമ്പനി ജീവനക്കാരനായ അസം സ്വദേശി പ്രതാപചന്ദ്ര ബര്‍മന്‍ (53) ആണ്. പ്രതികളും കൊല്ലപ്പെട്ട പ്രതാപചന്ദ്രയും ഒരുമിച്ച് മദ്യപിക്കുന്നതിനിടെയുണ്ടായ വാക്കേറ്റമാണ് അക്രമത്തില്‍ കലാശിച്ചത്. തര്‍ക്കം രൂക്ഷമായതോടെ പ്രതികള്‍ പ്രതാപചന്ദ്രയെ മര്‍ദ്ദിച്ചു കൊലപ്പെടുത്തുകയായിരുന്നു.

ഇന്‍സ്‌പെക്ടര്‍ വി. രാജേഷ് കുമാര്‍, എസ്.ഐ ചിത്തു ജി എന്നിവരുടെ നേതൃത്വത്തിലുള്ള സംഘമാണ് പ്രതികളെ വലയിലാക്കിയത്. സിവില്‍ പൊലിസ് ഓഫിസര്‍മാരായ നൗഫല്‍, അരുണ്‍ കരുണന്‍, രാമനാഥ്, ഗിരീഷ് രാജു, രെജിത്ത് എന്നിവരും സംഘത്തിലുണ്ടായിരുന്നു. അറസ്റ്റിലായ പ്രതികളെ കോടതിയില്‍ ഹാജരാക്കി റിമാന്‍ഡ് ചെയ്തു. സംഭവത്തില്‍ കൂടുതല്‍ അന്വേഷണം നടന്നുവരികയാണ്.

ALSO READ: ഫിഷറീസ് വകുപ്പിന് കീഴില്‍ കരാര്‍ ജോലിക്കാരെ നിയമിക്കുന്നു; കത്തയച്ച് അപേക്ഷിക്കാം; അവസാന തീയതി മാര്‍ച്ച് 04

The Kuruppampady police have arrested two migrant workers from Assam for the murder of their co-worker following a drunken brawl in Kochi.