രാജ്‌കോട്ട്: വെസ്റ്റിന്‍ഡീസുമായുള്ള ആദ്യ ടെസ്റ്റ് മത്സരത്തില്‍ രണ്ടാം ദിനമെത്തുമ്പോള്‍ ഇന്ത്യ ശക്തമായ നിലയില്‍. അഞ്ചു വിക്കറ്റ് നഷ്ടത്തില്‍ 506 റണ്‍സാണ് ഇന്ത്യ ഇതുവരെ നേടിയത്. ആദ്യ ദിനത്തില്‍ കൗമാരതാരം പൃഥ്വി ഷാ അരങ്ങേറ്റമത്സരത്തില്‍ സെഞ്ച്വറി നേടി തന്റെ ദിനമാക്കിയപ്പോള്‍ രണ്ടാം ദിനം നായകന്‍ വിരാട് കോഹ്‌ലി സ്വന്തമാക്കി. സെഞ്ച്വറി നേടിയാണ് കോഹ്‌ലി രണ്ടാം ദിനം തന്റേതാക്കി മാറ്റിയത്.

215 പന്തില്‍ നിന്ന് 120 റണ്‍സ് നേടി നായകന്‍ കോഹ്‌ലി ക്രീസില്‍ തന്നെയുണ്ട്. കരിയറിലെ തന്റെ 24ാം സെഞ്ച്വറി കോഹ്‌ലി നേടിയത്. നായകനായതിനുശേഷമുള്ള 17ാം സെഞ്ച്വറിയും. ഈ വര്‍ഷം ഇത് നാലാം തവണയാണ് കോഹ്‌ലി സെഞ്ച്വറി നേടുന്നത്.

കോഹ്‌ലിക്കു കൂട്ടിനായി 19 റണ്‍സെടുത്ത രവീന്ദ്ര ജഡേജ ക്രീസിലുണ്ട്.