കണ്ണൂര്‍: കണ്ണൂര്‍ വിമാനത്താവളത്തില്‍ വീണ്ടും ഇന്‍ഡിഗോ വിമാനത്തിന്റെ പരീക്ഷണ പറക്കല്‍. ഇന്‍ഡിഗോയുടെ എ.ടി.ആര്‍ 72 വിമാനാണു ഇന്‍സ്ട്രുമെന്റ് ലാന്‍ഡിങ് പ്രോസിജ്യറിന്റെ ഭാഗമായി കണ്ണൂര്‍ വിമാനത്താവളത്തില്‍ വീണ്ടും പരീക്ഷണ പറക്കല്‍ നടത്തിയത്. ഉച്ചയ്ക്കു 1.47ന് കൊച്ചിയില്‍ നിന്നു പുറപ്പെട്ട വിമാനം 2.19ന് വിമാനത്താവളത്തിനു മുകളിലെത്തി. ക്യാപ്റ്റന്‍ സതീഷ് വീരയാണു വിമാനം പറത്തിറയത്.
അഞ്ചുതവണ ടച്ച് ആന്‍ഡ് ഗോ (ലാന്‍ഡിങിനു മുന്നോടിയായുള്ള താഴ്ന്നുപറക്കല്‍) രീതിയില്‍ പറന്ന വിമാനം വൈകിട്ട് 3.18ന് മടങ്ങി. അഞ്ചുതവണ താഴ്ന്നുപറന്ന (ടച്ച് ആന്‍ഡ് ഗോ) വിമാനം മൂന്നുതവണ 07, 25 റണ്‍വേയിലൂടെയാണു കടന്നുപോയത്.
ഇന്‍സ്ട്രുമെന്റ് ലാന്‍ഡിങ് ഉപകരണങ്ങളുടെ സഹായമില്ലാതെ ലോക്കലൈസര്‍ ഉപയോഗിച്ചുള്ള താഴ്ന്നുപറക്കലും മികച്ച കാലാവസ്ഥയിലുള്ള വിഷ്വല്‍ അപ്രോച്ചും പരീക്ഷിച്ചു. കഴിഞ്ഞ 21നു ഡി.വി.ഒ.ആര്‍ പരിശോധനയുടെ ഭാഗമായി ഇന്‍ഡിഗോ വിമാനം വിമാനത്താവളത്തില്‍ ലാന്‍ഡിങ് നടത്തിയിരുന്നു. ഇന്‍സ്ട്രുമെന്റ് ലാന്‍ഡിങ് പ്രോസിജ്യറിന്റെ ഭാഗമായി കോഴിക്കോട് നിന്ന് എയര്‍ഇന്ത്യാ എക്‌സ്പ്രസ് വിമാനം ഇന്നുപുലര്‍ച്ചെ കണ്ണൂര്‍ വിമാനത്താവളത്തില്‍ എത്തും