എരുമപ്പെട്ടി: കാറും ബൈക്കും കൂട്ടിയിടിച്ച് അമ്മയ്ക്കും കുഞ്ഞിനും പരുക്കേറ്റു. തളി ഇട്ടോണം കരിക്കാപറമ്പില്‍ ഷഹന, മകള്‍ ആറുവയസുകാരി ആഷ്മി എന്നിവര്‍ക്കാണ് പരുക്കേറ്റത്.
ഇന്നലെ രാവിലെ 11.30 ഓടെ എരുമപ്പെട്ടി ഫൊറോന പള്ളിക്ക് സമീപമാണ് അപകടമുണ്ടായത്. ബന്ധുവിനോടൊപ്പം ബൈക്കില്‍ സഞ്ചരിക്കുകയായിരുന്നു ഇവര്‍.
റോഡരുകില്‍ കിടന്നിരുന്ന കാര്‍ പെട്ടെന്ന് റോഡിലേക്ക് എടുത്ത് തിരിച്ചതിനെ തുടര്‍ന്ന് ഇവര്‍ സഞ്ചരിച്ചിരുന്ന ബൈക്ക് കാറില്‍ ഇടിക്കുകയായിരുന്നു. തലയ്ക്ക് സാരമായി പരുക്കേറ്റ ഷഹനയേയും
നിസാരമായി പരുക്കേറ്റ ആഷ്മിയേയും എരുമപ്പെട്ടി ആക്ട്‌സ് പ്രവര്‍ത്തകര്‍ കുന്നംകുളം റോയല്‍ ആശുപത്രിയില്‍ പ്രവേശിപ്പിച്ചു.