മനില: ഐ.എസ് ബന്ധമുള്ള തീവ്രവാദി സംഘടനയും സര്‍ക്കാര്‍ സൈന്യവും തമ്മിലുണ്ടായ ഏറ്റുമുട്ടലില്‍ 19 സാധാരണക്കാര്‍ കൊല്ലപ്പെട്ടു. മിന്‍ജാനോ ദ്വീപിലാണ് സംഭവം. രാജ്യത്ത് കഴിഞ്ഞ ദിവസം പട്ടാളനിയമം പ്രഖ്യാപിച്ചിരുന്നു. ഒരാഴ്ചയായി തുടരുന്ന ആക്രമണങ്ങളില്‍ 100 ലേറെ പേരാണ് മരിച്ചത്. മറാവിയിലാണ് 19 പേര്‍ മരിച്ചത്. മുസ്‌ലിം ഭൂരിപക്ഷ പ്രദേശമാണിത്. രണ്ടു ലക്ഷം പേരാണ് മേഖലയില്‍ താമസിക്കുന്നത്. സൈനിക ചെക്‌പോസ്റ്റിനടുത്ത് എട്ടു പേരെ കൊല്ലപ്പെട്ടതായി കണ്ടെത്തിയെന്നും പൊലിസ് പറഞ്ഞു.
അബൂസയ്യാഫ് സായുധ ഗ്രൂപ്പിനെതിരേയാണ് സൈനിക നീക്കം. ചൊവ്വാഴ്ചയാണ് രാജ്യത്ത് പട്ടാള നിയമം പ്രഖ്യാപിച്ചത്.