കാളികാവ്: 11ാമത് സംസ്ഥാന വാഫി കലോത്സവത്തിന്റെ ലോഗോ പാണക്കാട് സയ്യിദ് സാദിഖലി ശിഹാബ് തങ്ങള്‍ പ്രകാശനം ചെയ്തു. 'സമന്വയം അറിവിന്റെ ആഴത്തിന്' എന്ന പ്രമേയത്തില്‍ വാഫി സ്റ്റുഡന്റസ് ഫെഡറേഷന്‍ സംഘടിപ്പിക്കുന്ന കലോത്സവം രണ്ടു ഘട്ടങ്ങളിലായാണ് നടക്കുന്നത്. ഒന്നാംഘട്ട സ്റ്റേജിതര മത്സരങ്ങള്‍ 7,8 തിയതികളില്‍ തിരഞ്ഞെടുക്കപ്പെട്ട കേന്ദ്രങ്ങളില്‍ നടക്കും.
മൂന്നു സോണുകളിലായി നടത്തുന്ന സ്റ്റേജിനങ്ങളുടെ ഒന്നാം റൗണ്ട് മത്സരങ്ങള്‍ ഈ മാസം 20,23,28 തിയതികളില്‍ നടക്കും. പി.ജി വിഭാഗത്തിന്റെ ഒന്നാം റൗണ്ട് മത്സരങ്ങള്‍ ഡിസംബറിലാണ് നടക്കുക. 2019 ജനുവരിയില്‍ കണ്ണൂരിലാണ് കലോത്സവത്തിന്റെ ഗ്രാന്‍ഡ് ഫിനാലെ അരങ്ങേറുക.
പാണക്കാട്ട് നടന്ന ലോഗോ പ്രകാശന ചടങ്ങില്‍ താജുദ്ദീന്‍ ഞെക്ലി, അനീസ് നെല്ലിക്കുത്ത്, യാസര്‍ അറഫാത്ത്, സുഹൈല്‍ കൊടശ്ശേരി, തൗഫീഖ് കാടാമ്പുഴ, അജ്മല്‍ മാമ്പ, ശുഹൈബലി, ജാബിര്‍ മലയമ്മ പങ്കെടുത്തു.