തൃശൂര്‍: താല്‍ക്കാലിക മതില്‍ തകര്‍ന്നതിനെ ചൊല്ലിയുള്ള തര്‍ക്കത്തില്‍ റിട്ട. അധ്യാപകനെ മര്‍ദിച്ച സംഭവത്തില്‍ ആറു പേര്‍ പിടിയില്‍.
പ്രകാശന്‍,പ്രമോദ്,പ്രണവ്,രാജു,ഷാരുണ്‍,അഭിജിത്ത് എന്നിവരെയാണ് പാവറട്ടി പെലിസ് അറസ്റ്റ് ചെയ്തത്. വാക കുന്നത്തുള്ളി സുഗുണന്‍(78)നെയാണ് മര്‍ദിച്ചത്.വൃദ്ധനെ തല്ലുന്നതിന്റെ ദൃശ്യങ്ങള്‍ സമൂഹമാധ്യമങ്ങളില്‍ വൈറലായിരുന്നു.
തന്റെ വീടിനു സമീപമുള്ള മതില്‍ രാത്രിയില്‍ തകര്‍ന്നതിനെ ചൊല്ലിയുള്ള തര്‍ക്കത്തിനൊടുവില്‍ യുവാക്കള്‍ വൃദ്ധനെ മര്‍ദിക്കുകയായിരുന്നു. മര്‍ദനത്തെ തുടര്‍ന്ന് അബോധാവസ്ഥയിലായ സുഗുണനെ തൃശൂര്‍ മെഡിക്കല്‍ കോളജില്‍ പ്രവേശിപ്പിച്ചിരുന്നു.