ഷൊര്‍ണൂര്‍: ഒന്‍പത് വയസുകാരിയെ ലൈംഗികമായി പീഡിപ്പിച്ചുവെന്ന പരാതിയില്‍ ബന്ധുവും അയല്‍കാരനുമായ യുവാവിനെ അറസ്റ്റ് ചെയ്തു.
ഷൊര്‍ണൂര്‍ കവളപ്പാറ സ്വദേശി വിപിന്‍ദാസിനെ (28)യാണ് ഞായറാഴ്ച രാത്രി ഒറ്റപ്പാലം സി.ഐ അബ്ദുല്‍ മുനീര്‍ കവളപ്പാറയില്‍ അറസ്റ്റ് ചെയ്തത്.
പരീക്ഷ കഴിഞ്ഞ് സ്‌കൂള്‍ പൂട്ടുന്നതിന് മുമ്പാണ് പീഢനം നടന്നതെന്ന് പറയുന്നു.
മൂന്ന് കുട്ടികളുടെ പിതാവായ വിപിന്‍ദാസ് ഭാര്യയും കുട്ടികളും വീട്ടിലില്ലാത്ത ദിവസം പെണ്‍കുട്ടിയെ വിളിച്ചു കൊണ്ടു പോയി ലൈംഗികമായി പീഡിപ്പിച്ചുവെന്നാണ് പരാതി.
സംഭവം നടന്ന് ദിവസങ്ങള്‍ക്ക് ശേഷം പെണ്‍കുട്ടിയുടെ രക്ഷിതാക്കളാണ് ഷൊര്‍ണൂര്‍ പൊലിസില്‍ പരാതി നല്‍കിയത്. പെണ്‍കുട്ടിയുടെ മൊഴിയെടുത്ത പൊലിസ് വൈദ്യ പരിശോധനക്ക് വിധേയമാക്കി പീഢനം സ്ഥിരീകരിച്ചിരുന്നു.
ബാലികാ ലൈംഗിക പീഢനത്തിനാണ് കേസെടുത്തിരിക്കുന്നത്. പ്രതി കുറ്റം സമ്മതിച്ചതായി പൊലിസ് പറഞ്ഞു.
ഇന്നലെ ഒറ്റപ്പാലം കോടതിയില്‍ ഹാജരാക്കി റിമാന്‍ഡ് ചെയ്തു.