തിരുവനന്തപുരം: കേന്ദ്ര സര്‍ക്കാരിന്റെ പബ്ലിക് ഫിനാന്‍ഷ്യല്‍ മാനേജ്‌മെന്റ് സിസ്റ്റം നടപ്പാക്കുന്നതിന് സംസ്ഥാന സര്‍ക്കാര്‍ ആവിഷ്‌കരിച്ച സ്റ്റേറ്റ് പ്രൊജക്ട് മോണിറ്ററിങ്  യൂനിറ്റിന്റെ പ്രവര്‍ത്തനോദ്ഘാടനം ഫിനാന്‍സ് സെക്രട്ടറി (റിസോഴ്‌സ്) മിന്‍ഹാജ് ആലം നിര്‍വഹിച്ചു. കേന്ദ്രാവിഷ്‌കൃത പദ്ധതികള്‍ നടപ്പിലാക്കുന്നതിനായി സംസ്ഥാനങ്ങള്‍ക്കു നല്‍കുന്ന ഫണ്ടിന്റെ വിനിയോഗം നിരീക്ഷിക്കുന്നതിനുള്ള ഓണ്‍ലൈന്‍ സംവിധാനമാണ് പബ്ലിക് ഫിനാന്‍ഷ്യല്‍ സിസ്റ്റം.
തിരുവനന്തപുരം സ്റ്റാച്യൂ ജങ്ഷനിലെ ഉപ്പളം റോഡിലാണ് സ്റ്റേറ്റ് പ്രൊജക്ട് മോണിറ്ററിങ് യൂനിറ്റിന്റെ ഓഫിസ്.