മുക്കം: മാമ്പറ്റ കയിട്ടാംപൊയിലില്‍ പാതയോരത്ത് അടിഭാഗം ദ്രവിച്ച മരം ഭീഷണിയുയര്‍ത്തുന്നു. ദിനംപ്രതി നിരവധി വാഹനങ്ങളും യാത്രക്കാരും സ്‌കൂള്‍ വിദ്യാര്‍ഥികളും കടന്നുപോകുന്ന റോഡിലാണ് ജീവനു ഭീഷണിയാകുന്ന തരത്തില്‍ മരം നില്‍ക്കുന്നത്.
മലയോര മേഖലയില്‍ കഴിഞ്ഞദിവസങ്ങളിലായി പെയ്ത ശക്തമായ വേനല്‍മഴയിലും കാറ്റിലും ഏറെ ഭീതിയോടെയാണ് നാട്ടുകാര്‍ കഴിഞ്ഞത്.
മരം ഏതുസമയത്തും നിലംപതിക്കാമെന്ന അവസ്ഥയിലാണ്. കാലവര്‍ഷം അടുക്കാറായതിനാല്‍ മരം എത്രയും പെട്ടെന്ന് മുറിച്ചു മാറ്റണമെന്നാണ് നാട്ടുകാരുടെ ആവശ്യം.
മധ്യവേനലവധി കഴിഞ്ഞ് സ്‌കൂളുകള്‍ തുറക്കുന്നതിനാല്‍ കെ.എം.സി.ടി അടക്കമുള്ള സമീപത്തെ വിദ്യാഭ്യാസ സ്ഥാപനങ്ങളിലേക്ക് പോകുന്ന വിദ്യാര്‍ഥികളുടെ സുരക്ഷയ്ക്കും വലിയ ഭീഷണിയാവുകയാണ്.