ഭോപ്പാല്‍: ദേശീയ കായിക താരം സെല്‍ഫിയെടുക്കുന്നതിനിടെ കുളത്തില്‍ വീണു മരിച്ചു. ഉത്തരാഖണ്ഡ് സ്വദേശിനിയായ പൂജ കുമാരി(20) ആണ് മരിച്ചത്. ഭോപ്പാല്‍ സ്‌പോര്‍ട്‌സ് അതോറിറ്റി ഓഫ് ഇന്ത്യയുടെ ക്യാംപസിലാണ് അപകടമുണ്ടായത്. കാംപസിലെ കുളത്തിന് സമീപത്തു വച്ച് സെല്‍ഫിയെടുക്കുന്നതിനിടെയാണ് അപകടം നടന്നത്. കുളത്തില്‍ വീണ പൂജ മുങ്ങിമരിക്കുകയായിരുന്നു. നീന്തലറിയില്ലായിരുന്നു. സംസ്ഥാനത്തിന് നിരവധി പുരസ്‌കാരങ്ങള്‍ നേടിക്കൊടുത്ത കായിക താരമാണ് പൂജ.