നരിക്കുനി: 'ഖുര്‍ആന്‍: സുകൃതത്തിന്റെ വചനപ്പൊരുള്‍' പ്രമേയത്തില്‍ നടക്കുന്ന എസ്.കെ.എസ്.എസ്.എഫ് റമദാന്‍ കാംപയിനിന്റെ ജില്ലാതല ഉദ്ഘാടനം സംസ്ഥാന വര്‍ക്കിങ് സെക്രട്ടറി റഷീദ് ഫൈസി വെള്ളായിക്കോട് നിര്‍വഹിച്ചു. നരിക്കുനി മജ്മഅ് ഇസ്‌ലാമിക് ആര്‍ട്‌സ് കോളജില്‍ നടന്ന പരിപാടിയില്‍ കുവൈത്ത് ഇസ്‌ലാമിക് സെന്ററിന്റെ റമദാന്‍ കിറ്റ് വിതരണം ജില്ലാ പ്രസിഡണ്ടന്റ് സയ്യിദ് മുബശിര്‍ തങ്ങള്‍ ജമലുല്ലൈലി നിര്‍വഹിച്ചു. ജില്ലാ സെക്രട്ടറി ഒ.പി അഷ്‌റഫ്, അലി അക്ബര്‍ മുക്കം, നൗഷാദ് മാസ്റ്റര്‍, ഖാദര്‍ മാസ്റ്റര്‍ നരിക്കുനി, ശരീഫ് മാസ്റ്റര്‍ മടവൂര്‍, ഫൈസല്‍ യമാനി, ഷമീര്‍ പോലൂര്‍ പ്രസംഗിച്ചു.