ബെര്‍ലിന്‍: ആറു ദിവസം നീളുന്ന വിദേശപര്യടനത്തിന്റെ ഭാഗമായി ജര്‍മനിയിലെത്തിയ പ്രധാനമന്ത്രി നരേന്ദ്രമോദി ജര്‍മന്‍ ചാന്‍സലര്‍ ആംഗല മെര്‍ക്കലുമായി കൂടിക്കാഴ്ച്ച നടത്തി.

മെര്‍ക്കല്‍ നല്‍കിയ വിരുന്നിലും മോദി പങ്കെടുത്തു. നടന്നുകൊണ്ടായിരുന്നു ഇരുരാജ്യ നേതാക്കളും തമ്മിലുള്ള ചര്‍ച്ച.

ഇരു രാജ്യങ്ങളിലേയും വ്യവസായ പ്രമുഖരുമായും ഇരുവരും കൂടികാഴ്ച നടത്തുകയും വിവിധ മേഖലകളില്‍ പരസ്പര സഹകരണത്തോടെ മുന്നോട്ട് പോകാനും ധാരണയിലെത്തിയതായുമാണ് ഔദ്യോഗിക വിവരം. മെര്‍ക്കലയുമായുള്ള കൂടികാഴ്ച തൃപ്തികരമായിരുന്നുവെന്ന് പ്രധാനമന്ത്രി ട്വിറ്ററില്‍ കുറിച്ചു.

ശാസ്ത്ര സാങ്കേതിക വകുപ്പ് മന്ത്രി ഹര്‍ഷവര്‍ധന്‍, ഊര്‍ജവകുപ്പ് മന്ത്രി പീയുഷ് ഗോയല്‍, വാണിജ്യ മന്ത്രി നിര്‍മ്മല സീതാരാമന്‍, വിദേശകാര്യ സഹമന്ത്രി എം.ജെ അക്ബര്‍ എന്നിവരും പ്രധാനമന്ത്രിയെ അനുഗമിക്കുന്നുണ്ട്.