മുംബൈ: വിദേശത്ത് പര്യടനങ്ങള്‍ക്കായി പോകുമ്പോള്‍ താരങ്ങള്‍ക്ക് ഭാര്യമാരെയും കൂടെ കൊണ്ട് പോകാന്‍ അനുവദിക്കണമെന്ന് ഇന്ത്യന്‍ ക്രിക്കറ്റ് ടീം നായകന്‍ വിരാട് കോഹ്‌ലി. പരമ്പര അവസാനിക്കുന്നത് വരെ താരങ്ങള്‍ക്ക് ഭാര്യമാരെ കൂടെ കൂട്ടാന്‍ അനുവദിക്കണമെന്ന് കോഹ്‌ലി ബി.സി.സി.ഐയോട് ആവശ്യപ്പെട്ടു.

ഇപ്പോള്‍ രണ്ടാഴ്ച മാത്രമാണ് വിദേശ പര്യടനങ്ങളില്‍ താരങ്ങളോടൊപ്പം ഭാര്യമാര്‍ക്ക് താമസിക്കാനുള്ള അനുമതി നല്‍കിയിട്ടുള്ളൂ. കോഹ്‌ലിയോടൊപ്പം വിദേശ പര്യടനങ്ങളില്‍ സ്ഥിരം സാന്നിധ്യമാണ് ഭാര്യയും ബോളിവുഡ് താരവുമായ അനൂഷ്‌ക ശര്‍മ.