വെസ്റ്റ് ബാങ്ക്: അധിനിവിഷ്ട വെസ്റ്റ് ബാങ്കില്‍ ഫലസ്തീന്‍ പൗരന്‍ നടത്തിയ വെടിവയ്പില്‍ രണ്ട് ഇസ്‌റാഈലുകാര്‍ കൊല്ലപ്പെട്ടു. മൂന്ന് പേര്‍ക്ക് പരുക്കേറ്റു. വെസറ്റ് ബാങ്കിലെ വ്യാവസായ പ്രദേശമായ ഏരിയയിലെ ബര്‍കയിലാണ് ആക്രമണമുണ്ടായത്. തുല്‍ക്കരീം നഗരത്തിലെ ശുവൈക്കയിലെ 23 കാരനാണ് ആക്രമണത്തിന് പിന്നിലെന്ന് പ്രദേശിക മാധ്യമങ്ങള്‍ റിപ്പോര്‍ട്ട് ചെയ്തു.
ഫാക്ടറി തൊഴിലാളിയാണ് ഇദ്ദേഹം. ഒരു ഫാക്ടറിയിലെ 30 കാരായ യുവതിയും യുവാവുമാണ് കൊല്ലപ്പെട്ടതെന്ന് തിരിച്ചറിഞ്ഞു. അക്രമിയെ കണ്ടെത്താനായി തിരച്ചില്‍ തുടരുകയാണെന്ന് ഇസ്‌റാഈല്‍ പ്രതിരോധ മന്ത്രി അവിദ്‌ഗോര്‍ ലെബര്‍മാന്‍ പറഞ്ഞു. ഫലസ്തീനില്‍ നിന്ന് പിടിച്ചെടുത്ത പ്രദേശമായ ബര്‍കയില്‍ 130 ഫാക്ടറികളാണ് പ്രവര്‍ത്തിക്കുന്നത്.