ലണ്ടന്‍: ആഴ്‌സന്‍ വെങര്‍ ആഴ്‌സണലിന്റെ പരിശീലകനായി തുടരും. ക്ലബ് മുന്നോട്ടു വച്ച രണ്ടു വര്‍ഷത്തെ കരാറില്‍ ഒപ്പുവയ്ക്കാമെന്ന് വെങര്‍ വ്യക്തമാക്കിയിട്ടുണ്ട്. സീസണില്‍ ഇംഗ്ലീഷ് പ്രീമിയര്‍ ലീഗ് കിരീടം നേടാന്‍ സാധിക്കാത്തതിനെ തുടര്‍ന്ന് വെങര്‍ പരിശീലക സ്ഥാനം ഒഴിയുമെന്ന് അഭ്യൂഹമുണ്ടായിരുന്നു. എന്നാല്‍ എഫ്.എ കപ്പില്‍ ചെല്‍സിയെ പരാജയപ്പെടുത്തി കിരീടം നേടാന്‍ സാധിച്ചതിനെ തുടര്‍ന്നാണ് വെങര്‍ ക്ലബിന്റെ കരാര്‍ അംഗീകരിക്കാനിടയാക്കിയത്. പ്രീമിയര്‍ ലീഗില്‍ 1996ന് ശേഷം ആദ്യമായിട്ടാണ് ആഴ്‌സണല്‍ ആദ്യ നാലില്‍ ഫിനിഷ് ചെയ്യാന്‍ സാധിക്കാതിരുന്നത്. ചാംപ്യന്‍മാരായ ചെല്‍സിയേക്കാള്‍ 18 പോയിന്റ് പിന്നിലാണ് ആഴ്‌സണല്‍ ഫിനിഷ് ചെയ്തത്. അതേസമയം പുതിയ കരാര്‍ ക്ലബ് ഇന്ന് പ്രഖ്യാപിക്കും.