കാസര്‍കോട്: നിര്‍ധനരായ കുടുംബങ്ങള്‍ക്ക് എസ്.കെ.എസ്.എസ്.എഫ് സംസ്ഥാന കമ്മിറ്റി മുഖേന എല്ലാ ജില്ലകള്‍ക്കും നല്‍കി വരുന്ന റമദാന്‍ കിറ്റ് വിതരണ ഉദ്ഘാടനവും എസ്.കെ.എസ്.എസ്.എഫ് സംസ്ഥാന കമ്മിറ്റിയുടെ ആതുര സേവന വിഭാഗമായ സഹചാരി റിലീഫ് സെല്ലിന്റെ ഫണ്ട് ശേഖരണ ഉദ്ഘാടനവും ഇന്ന് 1.30 ന് അണങ്കൂര്‍ മദ്‌റസയില്‍ എന്‍.എ നെല്ലിക്കുന്ന് എം.എല്‍.എ നിര്‍വഹിക്കും.
വെള്ളിയാഴ്ച ജുമുഅ നിസ്‌കാരനന്തരം ജില്ലയിലെ പള്ളികളില്‍ സഹചാരി ഫണ്ട് ശേഖരണം നടക്കും. റമദാനിന്റെ ആദ്യ വെള്ളിയാഴ്ച സംസ്ഥാന വ്യാപകമായി നടക്കുന്ന ഫണ്ട് ശേഖരണത്തിലൂടെ സമാഹരിക്കുന്ന സംഖ്യയാണ് രോഗികള്‍ക്ക് ആശ്വാസമെത്തിക്കാന്‍ ഉപയോഗപ്പെടുത്തുന്നത്.