കൊണ്ടോട്ടി: സഹോദരങ്ങള്‍ ഉള്‍പ്പടെ മൂന്ന് പേര്‍ ജില്ലയില്‍നിന്ന് സംസ്ഥാന ചെസ് സോണല്‍ ചാംപ്യന്‍ഷിപ്പിലേക്ക്. കൊണ്ടോട്ടി ഗവ. വെക്കേഷണല്‍ ഹയര്‍ സെക്കന്‍ഡറി സ്‌കൂളിലെ വി.എച്ച്.എസ്.ഇ വിഭാഗം രണ്ടാംവര്‍ഷ വിദ്യാര്‍ഥി സല്‍മാനും ഒന്‍പതാം ക്ലാസ് വിദ്യാര്‍ഥിയും സഹോദരനുമായ സഫ്‌വാന്‍, കക്കോവ് പി.എം.എസ്.എ.പി.ടി.എം.എച്ച്.എസ്.സ്‌കൂളിലെ പി.കെ.ഫസീഹയുമാണ് ഞായറാഴ്ച കണ്ണൂരില്‍ നടക്കുന്ന സംസ്ഥാന സോണല്‍ മത്സരത്തിലേക്ക് യോഗ്യതനേടിയത്. മലപ്പുറം റവന്യൂ ചെസ് ചാംപ്യന്‍ഷിപ്പില്‍ സീനിയര്‍ വിഭാഗത്തില്‍ സ്വര്‍ണം നേടിയാണ് സഹോദരങ്ങളായ സല്‍മാനും വെളളി നേടി സഫ്‌വാനും സോണലിലേക്ക് യോഗ്യത നേടിയത്.സീനിയര്‍ പെണ്‍കുട്ടികളുടെ വിഭാഗത്തില്‍ സ്വര്‍ണം നേടിയാണ് പി.കെ ഫസീഹ യോഗ്യത നേടിയത്.