തിരുവനന്തപുരം: വിഴിഞ്ഞം അന്താരാഷ്ട്ര തുറമുഖത്തിന്റെ ബെര്‍ത്ത് നിര്‍മാണോദ്ഘാടനം ഇന്ന് മുഖ്യമന്ത്രി പിണറായി വിജയന്‍ നിര്‍വഹിക്കും. മുല്ലൂരിലെ പദ്ധതിപ്രദേശത്ത് വൈകിട്ട് അഞ്ചിന് മന്ത്രി രാമചന്ദ്രന്‍ കടന്നപ്പള്ളി അധ്യക്ഷനാകും. മൊബൈല്‍ ഹെല്‍ത്ത് യൂനിറ്റിന്റെ ഫ്‌ളാഗ് ഓഫും മുഖ്യമന്ത്രി നിര്‍വഹിക്കും. അദാനി പോര്‍ട്ട്‌സ് സി.ഇ.ഒ കരണ്‍ അദാനി മുഖ്യാതിഥിയായിരിക്കും. പ്രതിപക്ഷനേതാവ് രമേശ് ചെന്നിത്തല, മന്ത്രിമാരായ ഇ. ചന്ദ്രശേഖരന്‍, കടകംപള്ളി സുരേന്ദ്രന്‍, മാത്യു ടി. തോമസ്, ജെ.മെഴ്‌സിക്കുട്ടി അമ്മ, തോമസ് ചാണ്ടി, ഡോ. ശശി തരൂര്‍ എം.പി, ചീഫ് സെക്രട്ടറി നളിനി നെറ്റോ, ജില്ലാ പഞ്ചായത്ത് പ്രസിഡന്റ് വി.കെ. മധു, ജില്ലാ കലക്ടര്‍ എസ്. വെങ്കിടേശപതി സംബന്ധിക്കും.