കോഴിക്കോട്: സുന്നി പള്ളികള്‍ ഉള്‍പ്പെടെ എല്ലാ മതങ്ങളുടെയും ദേവാലയങ്ങളിലും സ്ത്രീകളെ പ്രവേശിപ്പിക്കണമെന്ന് സംസ്ഥാന വനിതാ കമ്മീഷന്‍ അധ്യക്ഷ എം.സി ജോസഫൈന്‍.  ശബരിമല കയറാന്‍ വരുന്നവരെ സര്‍ക്കാര്‍ സംരക്ഷിക്കണമെന്നും ജോസഫൈന്‍ ആവശ്യപ്പെട്ടു.

ഇതേ ആവശ്യം നേരത്തെ സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണനും പറഞ്ഞിരുന്നു. ഇതിനെതിരേ കഴിഞ്ഞദിവസം പ്രതിപക്ഷ നേതാവ് രമേശ് ചെന്നിത്തല നിലപാട് വ്യക്തമാക്കിയിരുന്നു. സുന്നി പള്ളികളില്‍ സ്ത്രീകള്‍ പ്രവേശിക്കണമോ വേണ്ടയോ എന്ന കാര്യം സുന്നികള്‍ തീരുമാനിക്കുമെന്നും അതില്‍ കോടിയേരി ബാലകൃഷ്ണന്‍ അഭിപ്രായം പറയേണ്ടതില്ലെന്നും ചെന്നിത്തല പറഞ്ഞിരുന്നു.

മത വിഷയങ്ങളില്‍ രാഷ്ട്രീയക്കാര്‍ അഭിപ്രായം പറയേണ്ടതില്ലെന്നും സുന്നി നേതാക്കള്‍ നേരത്തെ തന്നെ നിലപാട് വ്യക്തമാക്കിയതാണ്.

കൂടുതല്‍ വായിക്കുക:

-മതനിയമങ്ങളില്‍ രാഷ്ട്രീയക്കാര്‍ അഭിപ്രായം പറയേണ്ട :സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍

-മുസ്‌ലിം പള്ളികളില്‍ സ്ത്രീകള്‍ക്കു പ്രവേശനം വേണം, ഹിന്ദു മഹാ സഭയും വി.പി സുഹറയും കോടതിയിലേക്ക്

-സുന്നി പള്ളികളില്‍ സ്ത്രീകള്‍ക്ക് പ്രവേശനം നല്‍കണം: മന്ത്രി കെ. ടി ജലീല്‍