പൂനെ: ജമ്മുകശ്മിരില്‍ നിന്നുള്ള ഇന്ത്യന്‍ താരം മെഹ്‌റാജുദ്ദീന്‍ വാഡു ഇനി പരിശീലകന്റെ റോളില്‍. പൂനെ സിറ്റിയുടെ അണ്ടര്‍ 18 ടീമിന്റെ പരിശീലകനായിട്ടാണ് താരം ചുമതലയേറ്റിട്ടുള്ളത്. ഐ.എസ്.എല്ലിലെ തന്റെ അരങ്ങേറ്റ സീസണില്‍ തന്നെ വാഡു പൂനെക്ക് വേണ്ടിയായിരുന്നു കളിച്ചിരുന്നത്. 34 കാരനായ വാഡു സജീവ ഫുട്‌ബോളില്‍നിന്ന് വിരമിച്ചതോടെയാണ് പരിശീലകന്റെ റോളില്‍ വീണ്ടും മൈതാനത്തേക്ക് മടങ്ങിയെത്തിയിട്ടുള്ളത്.
വിങ് ബാക്കായും സെന്റര്‍ബാക്കായും ചെന്നൈയിന്‍ എഫ്.സി, മുംബൈ സിറ്റി, പൂനെ എന്നീ ക്ലബുകള്‍ക്ക് വേണ്ടി താരം കളിച്ചിട്ടുണ്ട്. ഇന്ത്യക്കായി 32 മത്സരങ്ങളില്‍നിന്ന് രണ്ട് ഗോളും വാഡു സ്വന്തമാക്കിയിട്ടുണ്ട്. മോഹന്‍ ബഗാന്‍, ഈസ്റ്റ് ബംഗാള്‍, മുഹമ്മദന്‍സ്, സാല്‍ഗോക്കര്‍ ക്ലബുകള്‍ക്ക് വേണ്ടിയും വാഡു പന്തു തട്ടിയിട്ടുണ്ട്.