പട്ടാമ്പി: കിഴായൂര്‍ ഗവ. യു.പി സ്‌കൂളില്‍ നടന്ന അവധിക്കാല പ്രതിഭോത്സവം സമാപിച്ചു. എസ്.എസ്.എ യും ബി.ആര്‍.സിയും സംയുക്തമായാണ് യു.പി ക്ലാസിലെ വിദ്യാര്‍ഥികള്‍ക്കായി ക്യാംപ് സംഘടിപ്പിച്ചത്. കുട്ടികളിലെ സര്‍ഗവാസനകള്‍ പ്രോത്സാഹിപ്പിക്കുന്നതിന്റെ ഭാഗമായി ചിത്രരചന, ശില്‍പകല, പ്രഭാഷണം, സാഹിത്യരചന തുടങ്ങിയ മേഖലകളില്‍ ക്ലാസവതരണം നടത്തി.
സമാപനസമ്മേളനം എ.ഇ.ഒ ഡി ഷാജിമോന്‍ ഉദ്ഘാടനം ചെയ്തു. ഗോപാലകൃഷ്ണന്‍ അധ്യക്ഷനായി. പ്രതിഭകള്‍ക്കുള്ള സര്‍ട്ടിഫിക്കറ്റ് വിതരണം പ്രധാനധ്യാപിക സഫിയ ടീച്ചര്‍ നിര്‍വഹിച്ചു. അഷ്‌റഫ് അലി, മുസ്തഫ സംബന്ധിച്ചു.