മക്ക: 22 വര്‍ഷത്തിനു ശേഷം അമേരിക്കന്‍ വിമാനം ഹാജിമാരുമായി പുണ്യഭൂമിയിലെത്തി. 168 തീര്‍ഥാടകരുമായി ജിദ്ദ കിങ് അബ്ദുല്‍ അസീസ് വിമാനത്താവളത്തിലാണ് അമേരിക്കന്‍ വിമാനം വന്നിറങ്ങിയത്.
1997നു ശേഷം ആദ്യമായാണ് അമേരിക്കന്‍ വിമാനം തീര്‍ഥാടകരുമായി സഊദിയിലെത്തുന്നത്. ഓഹിയോയില്‍നിന്നെത്തിയ അമേരിക്കന്‍ വിമാനത്തില്‍ വന്നിറങ്ങിയ തീര്‍ഥാടകരെ സഊദി ഹജ്ജ് ഉംറ മന്ത്രാലയ അധികൃതര്‍ സ്വീകരിച്ചു. ഇരുരാജ്യങ്ങളും തമ്മിലുള്ള വിമാനങ്ങള്‍ പുനരാരംഭിക്കുന്നതില്‍ യുഎസിന്റെ മറ്റു വിമാന കമ്പനികളെ സ്വാധീനിക്കാന്‍ പുതിയ നീക്കം കാരണമാകുമെന്നും ജനറല്‍ ഏവിയേഷന്‍ ഓഫ് സിവില്‍ ഏവിയേഷന്‍ പ്രസിഡന്റ് അബ്ദുല്‍ ഹാദി അല്‍ മന്‍സൂരി പറഞ്ഞു.