നെയ്യാറ്റിന്‍കര: നവാഗതരെ നാട്ടുമാമ്പഴം നല്‍കി സ്വീകരിച്ച അരുമാനൂര്‍ എം.വി.ഹയര്‍ സെക്കന്‍ഡറി സ്‌കൂളിലെ പ്രവേശനോത്സവം ശ്രദ്ധേയമായി. പ്രകൃതിയിലേയ്ക്ക് മടങ്ങുക എന്ന സന്ദേശവുമായി കേരളീയ ശൈലിയില്‍ അണിയിച്ചെരുക്കിയ വിദ്യാലയത്തിലെ പ്രവേശനോത്സവം സ്‌കൂളിലെ പൂര്‍വാധ്യാപകന്‍ വെണ്‍പകല്‍ കുഞ്ഞുകൃഷ്ണന്‍നായര്‍ ഉദ്ഘാടനം ചെയ്തു. മാധ്യമ പ്രവര്‍ത്തകന്‍ ഗീരിഷ് പരുത്തിമഠം കുട്ടികളുമായി സംവദിച്ചു. ഹെഡ്മിസ്ട്രസ് പി.എസ്.കൃഷ്ണലത , പ്രിന്‍സിപ്പാള്‍ ജി.സജിത്കുമാര്‍ , പി.ടി.എ പ്രതിനിധി ജി.സുഗുണന്‍ , എം.ജോണ്‍ ബോയ് , ജോയ് ജോണ്‍സ് എന്നിവര്‍ പങ്കെടുത്തു.