കൊല്ലം: വികസനത്തിന്റേയും നവീകരണത്തിന്റേയും മറവില്‍ കൊല്ലം കോര്‍പറേഷനില്‍ തീവെട്ടിക്കൊള്ളയാണ് നടക്കുന്നതെന്നാരോപിച്ചും റോഡുകളും തെരുവുവിളക്കുകളും പരിപാലിക്കണമെന്നാവശ്യപ്പെട്ടും യൂത്ത് കോണ്‍ഗ്രസ് നേതൃത്വത്തില്‍ കോര്‍പറേഷന്‍ ഓഫിസിലേക്ക് മാര്‍ച്ച് നടത്തി. ഡി.സി.സി ജനറല്‍സെക്രട്ടറി പി.ആര്‍ പ്രതാപചന്ദ്രന്‍ ഉദ്ഘാടനം ചെയ്തു. തുടര്‍ന്ന് മേയറുടെ കോലം കത്തിച്ചു. യൂത്ത് കോണ്‍ഗ്രസ് വടക്കേവിള മണ്ഡലം പ്രസിഡന്റ് ഷാ സലിം അധ്യക്ഷനായി. വിഷ്ണു വിജയന്‍, വിഷ്ണു സുനില്‍ പന്തളം, അനില്‍കുമാര്‍, ഒ.ബി രാജേഷ്, സജന്‍, മഷ്‌കൂര്‍, വിനു മംഗലത്ത്, ബിനോയ് ഷാനൂര്‍, നവാസ് റഷാദി, അസീസ് പള്ളിത്തോട്ടം, അജുആന്റണി, അനസ് അയത്തില്‍, സജീര്‍, ഫൈസല്‍ തുടങ്ങിയവര്‍ സംസാരിച്ചു.