ദുബൈ: അടുത്ത വര്‍ഷം യു.എ.ഇയില്‍ നടക്കുന്ന ഏഷ്യാകപ്പ് ഫുട്‌ബോള്‍ ടൂര്‍ണമെന്റില്‍ പുതിയ മാറ്റത്തിനൊരുങ്ങി എ.എഫ്.സി. പകരക്കാരുടെ എണ്ണം മൂന്നില്‍ നിന്ന് നാലാക്കി ഉയര്‍ത്തിയാണ് എ.എഫ്.സി പുതിയ തീരുമാനം കൈക്കൊണ്ടിരിക്കുന്നത്. അധിക സമയത്തേക്ക് കളിനീണ്ടാല്‍ മാത്രമേ നാലാമനെ ഇറക്കാനുള്ള അനുമതിയുള്ളൂ. ഇന്റര്‍നാഷനല്‍ ഫുട്‌ബോള്‍ അസോസിയേഷന്‍ ബോര്‍ഡ് പ്രഖ്യാപിച്ച ലോസ് ഓഫ് ദി ഗെയിമിലെ നിയമഭേദഗതികള്‍ എ.എഫ്.സി എക്‌സിക്യൂട്ടീവ് കമ്മിറ്റി അംഗീകരിച്ചതോടെയാണ് നാലാമനെ ഇറക്കാമെന്ന പുതിയ നിയമം വന്നത്. ഏഷ്യാകപ്പിന് ശേഷം എ.എഫ്.സിയുടെ കീഴില്‍ നടക്കുന്ന എല്ലാ മത്സരങ്ങളിലും നിയമം കൊണ്ടുവരുമെന്ന് കമ്മിറ്റി അറിയിച്ചു.