മലപ്പുറം: കാളമ്പാടി മഖാം ഉറൂസ് ഇന്ന് സമാപിക്കും. രാവിലെ പത്തിന് നടക്കുന്ന അനുസ്മരണ യോഗം സമസ്ത ജനറല്‍ സെക്രട്ടറി പ്രൊഫ.കെ ആലിക്കുട്ടി മുസ്‌ലിയാര്‍ ഉദ്ഘാടനം ചെയ്യും.
മഖാം സിയാറത്തിനും മൗലിദ് പാരായണത്തിനും എം.ടി അബ്ദുല്ല മുസ്‌ലിയാര്‍ നേതൃത്വം നല്‍കും. സമസ്ത മുശാവറ അംഗം ഹൈദര്‍ ഫൈസി പനങ്ങാങ്ങര അനുസ്മരണ പ്രഭാഷണം നടത്തും. കെ.കെ.എസ് തങ്ങള്‍ വെട്ടിച്ചിറ, സയ്യിദ് സാബിഖലി ശിഹാബ് തങ്ങള്‍,പുത്തനഴി മൊയ്തീന്‍ ഫൈസി, കാളാവ് സൈതലവി മുസ്‌ലിയാര്‍, ഹസ്സന്‍ സഖാഫി പൂക്കോട്ടൂര്‍, കാടാമ്പുഴ മൂസ ഹാജി, കുട്ടി മൗലവി അച്ചനമ്പലം തുടങ്ങിയവര്‍ സംബന്ധിക്കും. തുടര്‍ന്ന് അന്നദാനത്തോടെ പരിപാടി സമാപിക്കും.