കൊച്ചി: കനത്ത മഴയില്‍ റണ്‍വേയിലേക്ക് വെള്ളം കയറിയ സാഹചര്യത്തില്‍ അടച്ചിട്ടിരുന്ന നെടുമ്പാശ്ശേരി വിമാനത്താവളം വീണ്ടും പ്രവര്‍ത്തനം തുടങ്ങി.
മഴയുടെ ഭീഷണി കുറഞ്ഞതോടെയാണ് ഇന്നുമുതല്‍ തുറന്നത്. നേരത്തെ ഞായറാഴ്ച വരെ അടച്ചിടാനായിരുന്നു സിയാല്‍ അധികൃതര്‍ തീരുമാനിച്ചിരുന്നത്.
ഞായറാഴ്ച വൈകിട്ട് മൂന്ന് വരെയുള്ള സര്‍വിസുകളും നിര്‍ത്തിവച്ചിരുന്നു.

വെള്ളിയാഴ്ച രാവിലെ ഒന്‍പത് വരെ സര്‍വിസുകള്‍ താല്‍ക്കാലികമായി നിര്‍ത്തിവക്കുകയാണെന്നാണ് അദ്യം അറിയിച്ചിരുന്നത്. എന്നാല്‍ കനത്ത മഴ തുടരുന്നതിനാല്‍ ഞായറാഴ്ചവരെ അടച്ചിടാന്‍ പിന്നീട് തീരുമാനിക്കുകയായിരുന്നു. കൊച്ചി എയര്‍പോര്‍ട്ട് വഴി സര്‍വിസ് നടത്തേണ്ട നിരവധി വിമാനങ്ങള്‍ ഇതോടെ വഴിതിരിച്ച് വിടുകയായിരുന്നു.