കൊടുവള്ളി: ഓട്ടോയില്‍ ഒളിപ്പിച്ച് കടത്തുകയായിരുന്ന 12 കുപ്പി വിദേശമദ്യം കൊടുവള്ളി പൊലിസ് പിടികൂടി. കഴിഞ്ഞ ദിവസം രാത്രി ഒന്‍പതോടെ ഓമശ്ശേരിയില്‍ കെ.എസ്.ഇ.ബി ഓഫിസിന് മുന്‍വശത്തായിരുന്നു സംഭവം.
ഇതുമായി ബന്ധപ്പെട്ട് കൂടത്തായ് ബസാര്‍ അമ്പലക്കുന്നുമ്മല്‍ രാജേഷ് (37) നെ പൊലിസ് അറസ്റ്റ് ചെയ്തു. ഓട്ടോയും കസ്റ്റഡിയിലെടുത്തു.
കൊടുവള്ളി സി.ഐ ചന്ദ്രമോഹന്‍, എ.എസ്.ഐ ശ്രീകുമാര്‍, സി.പി.ഒ മാരായ റഫീഖ്, ഇ.പി അബ്ദു റഹിം എന്നിവരടങ്ങുന്ന സംഘം ഓമശ്ശേരിയില്‍ വാഹന പരിശോധന നടത്തുന്നതിനിടെയാണ് രാജേഷ് പിടിയിലാവുന്നത്. താമരശ്ശേരി കോടതിയില്‍ ഹാജരാക്കിയ ഇയാളെ റിമാന്റ് ചെയ്തു.