മലപ്പുറം: എസ്.കെ.എസ്.എസ്.എഫ് ഈസ്റ്റ് ജില്ലാ സംഘടനാശാക്തീകരണ പരിപാടിയുടെ ഭാഗമായി 18,19 തിയതികളില്‍ ഓര്‍ഗാനെറ്റ് സമിതി നടത്തുന്ന ക്ലസ്റ്റര്‍ അദാലത്തുകള്‍ക്ക് അന്തിമ രൂപം നല്‍കി. 18ന് രാവിലെ ഒന്‍പതിന് നിലമ്പൂര്‍ മര്‍കസില്‍ ഈസ്റ്റ് ജില്ലാതല ഉദ്ഘാടനം നടക്കും.
തുടര്‍ന്നു രണ്ടുമുതല്‍ പെരിന്തല്‍മണ്ണ സുന്നി മഹല്‍, 19ന് രാവിലെ 8.30 മുതല്‍ കൊണ്ടോട്ടി ഖാസിയാരകം മദ്‌റസയിലും ഉച്ചയ്ക്ക് 2.30 മുതല്‍ മലപ്പുറം സുന്നി മഹലിലും അദാലത്ത് നടക്കും. നാലു കേന്ദ്രങ്ങളിലായി 18 മേഖലയില്‍ നിന്നുള്ള ക്ലസ്റ്ററുകളാണ് അദാലത്തില്‍ പങ്കെടുക്കുന്നത്.
നബിദിന കാംപയിന്‍ ജില്ലാ തല ഉദ്ഘാടനവും ഹുബ്ബുറസൂല്‍ പ്രഭാഷണവും നവംബര്‍ 8,9ന് മഞ്ചേരിയില്‍ നടക്കും. കാംപസ് വിങ് ബിസ്മില്ല കാംപയിന്‍, ട്രെന്‍ഡ് സ്‌പേസ് ലോഞ്ചിങ്, മേഖലാ സ്‌പെഷല്‍ സംഗമങ്ങള്‍ എന്നിവക്കും യോഗം കര്‍മപരിപാടികള്‍ക്ക് രൂപംനല്‍കി. യോഗത്തില്‍ പ്രസിഡന്റ് പാണക്കാട് സയ്യിദ് ഹാശിറലി ശിഹാബ് തങ്ങള്‍ അധ്യക്ഷനായി.
ശമീര്‍ ഫൈസി ഒടമല, സയ്യിദ് സാബിഖലി ശിഹാബ് തങ്ങള്‍, സയ്യിദ് നിയാസലി ശിഹാബ് തങ്ങള്‍, ഫാറൂഖ് ഫൈസി മണിമൂളി, ശമീര്‍ ഫൈസി പുത്തനങ്ങാടി, ഉമര്‍ ദാരിമി പുളിയക്കോട്, ഉമര്‍ ഫാറൂഖ് കരിപ്പൂര്‍, നാസര്‍ മാസ്റ്റര്‍ കരുളായി, പി.കെ സ്വദഖത്തുല്ലാഹ് ചെറുമുറ്റം, എ.പി സുബൈര്‍ ഫൈസി, എ.പി റഷീദ് വാഫി, എ.പി സുബൈര്‍ മുഹ്‌സിന്‍, ഇസ്മാഈല്‍ അരിമ്പ്ര, സലീം യമാനി, യൂനുസ് ഫൈസി വെട്ടുപാറ, സ്വാദിഖ് ഫൈസി അരിമ്പ്ര ചര്‍ച്ചയില്‍ പങ്കെടുത്തു.