മലപ്പുറം: എസ്.എസ്.എല്‍.സി വിദ്യാര്‍ഥികളുടേതുള്‍പ്പെടെ സ്‌കൂളുകളിലെ വിവിധ ആവശ്യങ്ങള്‍ക്ക് അധ്യാപകര്‍ വിദ്യാര്‍ഥികളുടെ ഫോട്ടോയെടുക്കുന്നത് അവസാനിപ്പിക്കണമെന്നും ഇത് നിയമം മൂലം തടയാന്‍ സര്‍ക്കാര്‍ തയാറാകണമെന്നും കേരള ഫോട്ടോഗ്രാഫി തൊഴിലാളി യൂനിയന്‍ (എസ്.ടി.യു) ജില്ലാ കമ്മിറ്റി യോഗം ആവശ്യപ്പെട്ടു.
യോഗം എസ്.ടി.യു സംസ്ഥാന സെക്രട്ടറി കെ.കെ ഹംസ ഉദ്ഘാടനം ചെയ്തു. കെ.പി.ടി.യു (എസ്.ടി.യു) ജില്ലാ പ്രസിഡന്റ് എന്‍.പി ഹബീബ് റഹ്മാന്‍ അധ്യക്ഷനായി. എസ്.ടി.യു ജില്ലാ ട്രഷറര്‍ അഡ്വ. എം.പി ഗോപി, എ.എം ഫാറൂഖ്, നെടുമ്പള്ളി സൈദ്, എന്‍.എം കോയ പള്ളിക്കല്‍, റാഫി റോളക്‌സ് സംസാരിച്ചു.