മനാമ: കേരളത്തില്‍ പ്രളയ ദുരിതത്തിലകപ്പെട്ടവര്‍ക്ക് താങ്ങും തണലുമായി വര്‍ത്തിക്കുന്ന യൂത്ത് ലീഗ് വൈറ്റ് ഗാര്‍ഡിന്റെ മണ്ഡലം കമ്മറ്റിക്ക് വീടുകളും റോഡുകളും വൃത്തിയാക്കാനും മരങ്ങളും മറ്റും നീക്കം ചെയ്യാനും ആവശ്യമായ സാധന സാമഗ്രികള്‍ ബഹ്‌റൈന്‍ കെ എം സി സി വടകര മണ്ഡലം കമ്മിറ്റി ശേഖരിച്ചു നല്‍കി. കേവലം ഒറ്റ ദിവസം കൊണ്ടായിരുന്നു ഇതിനുള്ള ഫണ്ട് സ്വൂരൂപിച്ചതെന്ന് ഭാരവാഹികള്‍ അറിയിച്ചു.
ബലി പെരുന്നാള്‍ ദിനത്തില്‍ മനാമ കെ എം സി സി ആസ്ഥാനത്തു വച്ച് നടന്ന ചടങ്ങില്‍ കെ എം സി സി സീനിയര്‍ നേതാവ് സി കെ അബ്ദുല്‍ റഹിമാന് മണ്ഡലം കെ എം സി സി സെക്രട്ടറി അഷ്‌കര്‍ വടകര ഫണ്ട് കൈമാറി. കുട്ടൂസ മുണ്ടേരി, മുസ്തഫ കെ പി, സിദ്ധീഖ് കണ്ണൂര്‍, ഫൈസല്‍ കണ്ടിത്താഴ, അസ്‌ലം വടകര, സൂപ്പി ജീലാനി, അഷ്‌റഫ് അഴിയൂര്‍, മുനീര്‍ ഒഞ്ചിയം, അന്‍വര്‍ വടകര, അന്‍സാര്‍ കണ്ണൂക്കര, ആഫീസ് വള്ളിക്കാട്, ഹുസൈന്‍ വടകര എന്നിവര്‍ സന്നിഹിതരായിരുന്നു.