പയ്യന്നൂര്‍: ദേശിയ പാതയില്‍ വെള്ളൂര്‍ സ്‌കൂളിന് സമീപം ഐ.ഒ.സിയുടെ ഇന്ധനം നിറച്ച ബുള്ളറ്റ് ടാങ്കര്‍ റോഡിന് കുറുകെ മറിഞ്ഞ് ഗതാഗതം പൂര്‍ണ്ണമായും തടസ്സപ്പെട്ടു. മംഗലാപുരത്ത് നിന്നും ഇന്ധനവുമായി കൊച്ചിയിലേക്ക് പോവുകയായിരുന്ന ലോറിയാണ് ഇന്ന് പുലര്‍ച്ചയോടെ അപകടത്തില്‍പ്പെട്ടത്.

ചോര്‍ച്ചയോ ആളപായമോ ഇല്ല. വിവരമറിഞ്ഞ് പയ്യന്നൂരില്‍ നിന്ന് പൊലിസും ഫയര്‍ഫോഴ്‌സും സ്ഥലത്ത് എത്തി.കാസര്‍കോട് ഭാഗത്ത് നിന്നും വരുന്ന വാഹനങ്ങള്‍ കാലിക്കടവില്‍ വച്ചും കണ്ണൂര്‍ ഭാഗത്ത് നിന്ന് വരുന്ന വാഹനങ്ങള്‍ പെരുമ്പയില്‍ നിന്നും കോത്തായി മുക്കില്‍ക്കില്‍ നിന്നുമായി വഴി തിരിച്ച് വിടുകയാണ്.