തേഞ്ഞിപ്പലം: കൂട്ടുമൂച്ചി - ചേളാരി റോഡില്‍ തയ്യിലക്കടവ് അങ്ങാടിയില്‍ തഖ് വീമുല്‍ ഖുര്‍ആന്‍ മദ്‌റസയുടെ ഇരുവശങ്ങളിലുമായി നില്‍ക്കുന്ന മരങ്ങള്‍ മുറിച്ചുമാറ്റണമെന്ന ആവശ്യം ശക്തമാകുന്നു. തണല്‍ മരമാണെങ്കിലും മദ്‌റസയ്ക്കും വിദ്യാര്‍ഥികള്‍ക്കും ദുരിതമായിട്ടുണ്ട് ഇരു മരങ്ങളും. മരത്തിന്റെ ഇലകള്‍ കൊഴിഞ്ഞ്് വീഴുന്നത് മദ്‌റസ മുറ്റത്തേക്കാണ്. ഇവ കാറ്റില്‍ പറന്ന് മദ്‌റസാ ഹാളില്‍ വരെ എത്തുന്നു. ആഴ്ചയില്‍ ഒരുദിവസമാണ് മദ്‌റസ ക്ലാസ്, മുറ്റം ശുചീകരണത്തിനായി നീക്കി വച്ചിട്ടുള്ളത്. മരത്തിന്റെ ഇലകള്‍ കൊഴിഞ്ഞ് വൃത്തിഹീനമാകുന്നതോടെ എല്ലാദിവസവും അടിച്ചുവാരേണ്ട അവസ്ഥയാണ്. ഇത് പഠന സമയത്തെ ബാധിക്കുന്നുണ്ട്. മരങ്ങള്‍ മുറിച്ചുമാറ്റണമെന്ന ആവശ്യവുമായി നാട്ടുകാര്‍ നേരത്തെ അധികൃതരെ സമീപിച്ചിരുന്നുവെങ്കിലും ഫലമുണ്ടായില്ല.