നിലയ്ക്കല്‍: ശബരിമലയില്‍ യുവതികളടക്കം ആര്‍ക്കുവേണമെങ്കിലും ദര്‍ശനം നടത്താമെന്ന് ഐ.ജി മനോജ് എബ്രഹാം. നിലയ്ക്കല്‍, പമ്പ, ശബരിമല പ്രദേശങ്ങള്‍ പൂര്‍ണമായും പൊലിസ് നിയന്ത്രണത്തിലാണ്. ഒരു അയ്യപ്പഭക്തനെയും ആരും തടയില്ല. ഒരു പരിശോധനയും അനുവദിക്കില്ല. ദര്‍ശനത്തിന് ആര്‍ക്കൊക്കെ സുരക്ഷ ആവശ്യമാണോ അവര്‍ക്കൊക്കെ പൊലിസ് സുരക്ഷ നല്‍കും. നാട്ടിലെ നിയമം നടപ്പാക്കിയിരിക്കുമെന്നും ശബരിമലയുടെ സുരക്ഷാ ചുമതലയുള്ള ഐ.ജി മനോജ് ഏബ്രഹാം വ്യക്തമാക്കി.