തളിപ്പറമ്പ്: തൃച്ചംബരത്തെ വീട്ടില്‍ കവര്‍ച്ച നടത്തിയ സംഭവത്തില്‍ ഒരാള്‍ കൂടി അറസ്റ്റില്‍. തൃശ്ശൂര്‍ മണ്ണംപോട്ടയിലെ പൊഴലിപ്പറമ്പില്‍ ഷിബുവിനെയാണ് തളിപ്പറമ്പ് എസ്.ഐ പി.എ ബിനു മോഹന്‍ അറസ്റ്റു ചെയ്തത്.
കേസില്‍ ഇതോടെ അറസ്റ്റിലായവരുടെ എണ്ണം മൂന്നായി. പരിയാരം മെഡിക്കല്‍ കോളജ് ദന്തല്‍ വിഭാഗം പ്രിന്‍സിപ്പല്‍ ഡോ. സജി വാടകയ്ക്ക് താമസിക്കുന്ന തൃച്ചംബരത്തെ വീട്ടില്‍ മാസങ്ങള്‍ക്ക് മുമ്പാണ് കവര്‍ച്ച നടന്നത്. മൂന്നംഗസംഘം 22,000 രൂപയും അഞ്ച് പവന്‍ സ്വര്‍ണവുമാണ് ഈ വീട്ടില്‍ നിന്നു മോഷ്ടിച്ചത്. കേസിലെ മുഖ്യപ്രതി ഇരിട്ടി മീത്തലെപുന്നാടെ കെ. സജേഷ്, മട്ടന്നൂര്‍ മരുതായിലെ കെ. വിജേഷ് എന്നിവര്‍ നേരത്തെ കണ്ണൂരില്‍ പിടിയിലായിരുന്നു.
ഇവരെ ചോദ്യം ചെയ്തപ്പോഴാണ് ഷിബുവിനെ കുറിച്ച് വിവരം ലഭിച്ചത.്