കൊയിലാണ്ടി: ചേമഞ്ചേരി റെയില്‍വേ സ്റ്റേഷനു സമീപത്തെ പെട്രോള്‍ പമ്പ് പരിസരത്തുവച്ച് മാഹി വിദേശമദ്യവുമായി ചെങ്ങോട്ടുകാവ് സ്വദേശി പിടിയില്‍. ചെങ്ങോട്ടുകാവ് തൂവയില്‍ വീട്ടില്‍ സുന്ദരനെ (61) ആണ് എക്‌സൈസ് എന്‍ഫോഴ്‌സ്‌മെന്റ് ആന്റ് ആന്റി കറപ്ഷന്‍ പാര്‍ട്ടി പിടികൂടിയത്. 10 കുപ്പി വിദേശമദ്യം ഇയാളില്‍ നിന്ന് പിടിച്ചെടുത്തു. കോഴിക്കോട് സ്‌പെഷല്‍ സ്‌ക്വാഡ് ഇന്‍സ്‌പെക്ടര്‍ പി. സജിത്കുമാറിനു ലഭിച്ച രഹസ്യവിവരത്തിന്റെ അടിസ്ഥാനത്തില്‍ ചെങ്ങോട്ടുകാവ്, ചേമഞ്ചേരി മേഖലകളില്‍ സ്‌ക്വാഡ് നടത്തിയ നിരീക്ഷിണത്തിനിടെയാണ് ഇയാള്‍ പിടിയിലായത്.
പ്രിവന്റിവ് ഓഫിസര്‍ അനില്‍കുമാര്‍, സിവില്‍ എക്‌സൈസ് ഓഫിസര്‍മാരായ യോഗേഷ്, പി. റഷീദ്, ധനീഷ് കുമാര്‍ നേതൃത്വം നല്‍കി. കോടതിയില്‍ ഹാജരാക്കിയ ഇയാളെ റിമാന്‍ഡ് ചെയ്തു.