കോഴിക്കോട്: ജില്ലയില്‍ ഉത്തരവാദിത്ത സാക്ഷരതാ പരിപാടി നടപ്പിലാക്കുമെന്ന് ജില്ലാ കലക്ടര്‍ യു.വി ജോസ്. ജില്ലാ സാക്ഷരതാ മിഷന്റെ പരിസ്ഥിതി ദിനാചരണം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. മരം നടീല്‍ മാത്രമല്ല പരിസ്ഥിതി ദിനാചരണം. ജനങ്ങളുടെ ആരോഗ്യവും സമ്പത്തും പരിപോഷിപ്പിക്കണം. നമുക്കിണങ്ങിയ ജീവിത സാഹചര്യം നിലനില്‍ക്കണം. അതിനുള്ള ബോധവല്‍ക്കരണ പ്രവര്‍ത്തനങ്ങളാണ് ഉത്തരവാദിത്ത സാക്ഷരതയിലൂടെ നടപ്പിലാക്കാന്‍ ഉദ്ദേശിക്കുന്നതെന്ന് അദ്ദേഹം പറഞ്ഞു.
ചടങ്ങില്‍ ജില്ലാ ഇന്‍ഫര്‍മേഷന്‍ ഓഫിസര്‍ കെ.ടി ശേഖര്‍ അധ്യക്ഷനായി. കോഴ്‌സ് കണ്‍വീനര്‍മാരായ കെ. വിജയന്‍ മാസ്റ്റര്‍, എ.കെ ബാലന്‍ മാസ്റ്റര്‍ സംസാരിച്ചു. ജില്ലാ സാക്ഷരതാ മിഷന്‍ കോഡിനേറ്റര്‍ എം.സി വത്സല സ്വാഗതവും അസി. കോഡിനേറ്റര്‍ പി.പി സിറാജ് നന്ദിയും പറഞ്ഞു.