ലണ്ടന്‍: ആഷസ് പരമ്പരയിലെ മൂന്നാം ടെസ്റ്റില്‍ ആസ്‌ത്രേലിയന്‍ താരം സ്റ്റീവ് സമിത്ത് കളിക്കില്ല. പരമ്പരയിലെ ആദ്യ രണ്ട് മത്സരത്തിലും മികച്ച പ്രകടനം പുറത്തെടുത്ത സ്മിത്ത് ഇല്ലാത്തത് ആസ്‌ത്രേലിയക്ക് കനത്ത തിരിച്ചടിയാകും.
ആദ്യ ടെസ്റ്റിലെ രണ്ട് ഇന്നിങ്‌സിലും സെഞ്ചുറി കണ്ടെത്തിയ സ്മിച്ച് രണ്ടാം ടെസ്റ്റിന്റെ ഒന്നാം ഇന്നിങ്‌സിലും മികച്ച പ്രകടനം പുറത്തെടുത്തിരുന്നു. ആര്‍ച്ചറുടെ പന്ത് തലയില്‍ കൊണ്ട് പരുക്കേറ്റിട്ടും താരം 92 റണ്‍സെടുത്താണ് പവലിയനിലേക്ക് മടങ്ങിയത്. ലോകകപ്പില്‍ മികച്ച പ്രകടനം പുറത്തെടുത്ത ഡേവിഡ് വാര്‍ണര്‍ രണ്ട് ടെസ്റ്റിലും സമ്പൂര്‍ണ പരാജയമായിരുന്നു.
ഇത് ഓസീസിന് ഇരട്ട പ്രഹരമാണ് നല്‍കുന്നത്. രണ്ടാം ടെസ്റ്റിന്റെ രണ്ടാം ഇന്നിങ്‌സില്‍ സ്മിത്തിന്റെ അഭാവത്തില്‍ ഓസീസ് റണ്‍സ് കണ്ടെത്താന്‍ വിഷമിച്ചിരുന്നു. ജയിക്കാമായിരുന്ന മത്സരം സ്മിത്തിന്റെ അഭാവം കാരണമായിരുന്നു സമനിലയില്‍ കലാശിച്ചത്.