പാരീസ്: മുന്‍ ലോക ചാംപ്യന്‍മാരായ ജര്‍മനിക്ക് വീണ്ടും തോല്‍വി. നിലവിലെ ലോക ചാംപ്യന്‍മാരായ ഫ്രാന്‍സിനോട് 1-2 എന്ന സ്‌കോറിനാണ് ജര്‍മനി പരാജയപ്പെട്ടത്. ഒരു ഗോളിന് ലീഡ് ചെയ്ത ശേഷമാണ് രണ്ടണ്ടു ഗോളുകള്‍ വഴങ്ങി ജര്‍മനി തോല്‍വിയിലേക്കു കൂപ്പുകുത്തിയത്.
14-ാം മിനുറ്റില്‍ ടോണി ക്രൂസാണ് ജര്‍മനിക്കു വേണ്ടി പെനാല്‍റ്റിയിലൂടെ ഗോള്‍ നേടിയത്. ആദ്യ പകുതി അവസാനിച്ചപ്പോള്‍ ജര്‍മനിക്ക് ഒരു ഗോള്‍ ലീഡുണ്ടായിരുന്നു. എന്നാല്‍ രണ്ടണ്ടാം പകുതിയില്‍ ശക്തമായി തിരിച്ചടിച്ച ഫ്രാന്‍സ് 62-ാം മിനുറ്റില്‍ അന്റോയിന്‍ ഗ്രീസ്മാനിലൂടെ സമനില ഗോള്‍ നേടി. സെറ്റ്പീസില്‍ നിന്ന് ഉയര്‍ന്നുവന്ന പന്തിനെ ഗ്രീസ്മാന്‍ സുന്ദരമായ ഹെഡറിലൂടെ ജര്‍മനിയുടെ വലയിലെത്തിക്കുകയായിരുന്നു. ജര്‍മന്‍ താരങ്ങള്‍ ഫ്രഞ്ച് താരം മറ്റൗഡിയെ ബോക്‌സില്‍ വീഴ്ത്തിയതിന് റഫറി പെനാല്‍റ്റി വിധിക്കുകയായിരുന്നു. ഇതില്‍ നിന്നായിരുന്നു ഫ്രാന്‍സിന്റെ രണ്ടാം ഗോള്‍ പിറന്നത്. കളി അവസാനിക്കാന്‍ 10 മിനുറ്റ് ബാക്കിയുള്ളപ്പോള്‍ പെനാല്‍റ്റിയിലൂടെ ഗ്രീസ്മാന്‍ ടീമിന്റെ വിജയഗോള്‍ കണ്ടെണ്ടത്തുകയായിരുന്നു. നാഷന്‍സ് ലീഗില്‍ മൂന്നു മത്സരങ്ങള്‍ കളിച്ച ജര്‍മനിക്ക് ഒന്നില്‍പ്പോലും ജയിക്കാനായിട്ടില്ല. രണ്ടണ്ടു കളികളില്‍ തോല്‍വി ഏറ്റുവാങ്ങിയ ജര്‍മനി ഒന്നില്‍ സമനില വഴങ്ങുകയായിരുന്നു. റഷ്യന്‍ ലോകകപ്പ് മുതല്‍ ഈ വര്‍ഷം ആറു മത്സരങ്ങളിലാണ് ജര്‍മനി തോറ്റത്. ഗ്രൂപ്പ് ഘട്ടത്തില്‍ തന്നെ ദുര്‍ബലരായ ദക്ഷിണ കൊറിയയോട് ജര്‍മനി തോല്‍വി ഏറ്റുവാങ്ങിയിരുന്നു.
നാഷന്‍സ് ലീഗിലെ മറ്റു മത്സരങ്ങളില്‍ ഗ്രൂപ്പ് ബി യില്‍ വെയില്‍സ് 1-0നു അയര്‍ലന്‍ഡിനെയും എതിരില്ലാത്ത ഒരു ഗോളിന് ഉക്രൈന്‍ ചെക്ക് റിപ്പപ്ലിക്കിനെയും പരാജയപ്പെടുത്തി. നോര്‍വെ ബള്‍ഗേറിയ മത്സരം 1-0ന് അവസാനിച്ചു.
സ്ലൊവേനിയ സൈപ്രസ് മല്‍സരം 1-1നു സമനിലയില്‍ കലാശിച്ചു.
ഗ്രൂപ്പ് ഡിയില്‍ ജോര്‍ജിയ 3-0നു ലാറ്റ്‌വിയയെയും അര്‍മേനിയ 4-0നു മാസിഡോണിയയെയും ജിബ്രാള്‍ട്ടര്‍ 2-1ന് ലിച്ചെന്‍സ്റ്റെയ്‌നിനെയും കസാക്കിസ്താന്‍ 4-0നു അന്‍ഡോറയെയും പരാജയപ്പെടുത്തി. മറ്റു സൗഹൃദ മത്സരങ്ങളില്‍ സ്വീഡന്‍-സ്‌ലോവാക്യ മത്സരം 1-1 എന്ന സ്‌കോറിന് സമനിലയില്‍ കലാശിച്ചു.
എതിരില്ലാത്ത രണ്ട് ഗോളുകള്‍ക്ക് ഡെന്‍മാര്‍ക്ക് ഓസ്ട്രിയയെ തോല്‍പ്പിച്ചു. ബെല്‍ജിയം- ഹോളണ്ട് മത്സരം 1-1 എന്ന സ്‌കോറിന് സമനിലയില്‍ അവസാനിച്ചു.