ന്യൂഡല്‍ഹി: രണ്ടുദിവസത്തെ സി.പി.എം പോളിറ്റ് ബ്യൂറോ യോഗം ഡല്‍ഹിയില്‍ തുടങ്ങി. ജനറല്‍ സെക്രട്ടറി സീതാറാം യെച്ചൂരിക്കു രാജ്യസഭയില്‍ മൂന്നാംഊഴം നല്‍കുന്നതടക്കമുള്ള വിഷയങ്ങള്‍ ചര്‍ച്ചക്കുവരും. പാര്‍ലമെന്റില്‍ പ്രതിപക്ഷ നിരയെ ശക്തമാക്കുന്നതിന് യെച്ചൂരിയുടെ സാന്നിദ്ധ്യം ആവശ്യമാണെന്ന് ബംഗാള്‍ ഘടകം ആവശ്യപ്പെട്ടു. യെച്ചൂരിയ്ക്ക് പിന്നാലെ ബംഗാളില്‍നിന്നുള്ള മറ്റ് രണ്ട് സി.പി.എം രാജ്യസഭാംഗങ്ങളുടേയും കാലാവധി അവസാനിക്കും.