ആന്റിഗ്വ: വെസ്റ്റ് ഇന്‍ഡീസിനെതിരേയുള്ള ആദ്യ ടെസ്റ്റ് മത്സരത്തിന് ഇന്ത്യ തയ്യാര്‍. വിന്‍ഡീസ് പര്യടത്തിലെ അവസാന പരമ്പരയാണ് ഇന്ന് തുടങ്ങുന്നത്. ഇതിന് മുമ്പ് നടന്ന ടി20, ഏകദിന പരമ്പരകള്‍ ഇന്ത്യ സ്വന്തമാക്കിയിരുന്നു. ഈ ആത്മവിശ്വാസത്തില്‍ ടെസ്റ്റ് പരമ്പരയും സ്വന്തമാക്കാനാണ് കോഹ്‌ലിയും സംഘവും ഇന്ന് ഇറങ്ങുന്നത്.
വിരാട് കോഹ്‌ലി, ചേതേശ്വര്‍ പുജാര, കെ.എല്‍ രാഹുല്‍, രോഹിത് ശര്‍മ്മ, അജിങ്ക്യ രഹാനെ എന്നിവരുള്‍പ്പെടുന്ന ഇന്ത്യ ശക്തമായ നിലയിലാണ്. ഏകദിനവും ടി20യും സ്വന്തമാക്കാനാകാത്ത ഇന്ത്യ ടെസ്റ്റില്‍ തികഞ്ഞ ആത്മവിശ്വാസത്തിലാണ്. 2006 ന് ശേഷം ടെസ്റ്റ് മത്സരത്തില്‍ വിന്‍ഡീസിനെതിരേ ഇന്ത്യക്ക് തോല്‍ക്കേണ്ടി വന്നിട്ടില്ല. അതിന്റെ ആത്മവിശ്വാസവും ഇന്ത്യക്ക് കരുത്ത് പകരുന്നുണ്ട്. ക്യാപ്റ്റന്‍ വിരാട് കോഹ്‌ലി ഏറ്റവും മികച്ച ഫോമിലാണുള്ളതെന്നാണ് ടീം ഇന്ത്യയുടെ പ്രധാന ധൈര്യം. അവസാനമായി ആസ്‌ത്രേലിയക്കെതിരേയായിരുന്നു കോഹ്‌ലി ടെസ്റ്റ് കളിച്ചത്. അന്ന് താരം സെഞ്ചുറി സ്വന്തമാക്കുകയും ചെയ്തിരുന്നു.
ഇന്ത്യയും വിന്‍ഡീസും കളിച്ച 96 ടെസ്റ്റ് മത്സരങ്ങളില്‍ ഇന്ത്യ 20 തവണ ജയിച്ചപ്പോള്‍ വിന്‍ഡീസ് 30 തവണ ജയം സ്വന്തമാക്കി. 46 മത്സരം സമനിലയില്‍ കലാശിക്കുകയും ചെയ്തിട്ടുണ്ട്.
കോലി 2011 ല്‍ ധോണിയുടെ നേതൃത്വത്തില്‍ വീന്‍ഡീസ് പര്യടനം നടത്തിയപ്പോഴും 1-0 എന്ന നിലയ്ക്ക് ഇന്ത്യ പരമ്പര സ്വന്തമാക്കിയിരുന്നു. 2016 ല്‍ വിരാട് കോലിയുടെ നായകപാടവത്തിലാണ് ഇന്ത്യ അവസാനമായി കരീബിയന്‍ മണ്ണില്‍ ടെസ്റ്റ് പരമ്പര നേടിയത്. നടക്കാനിരിക്കുന്ന ടെസ്റ്റ് പരമ്പര സ്വന്തമാക്കിയാല്‍ വെസ്റ്റ് ഇന്‍ഡീസിനെ അവരുടെ നാട്ടില്‍ ചെന്ന് ര@ണ്ടു തവണ കീഴടക്കിയ ആദ്യ ഇന്ത്യന്‍ നായകനായി മാറും വിരാട് കോലി.
ആദ്യ ടെസ്റ്റ് ജയിച്ചാല്‍ ഇന്ത്യയെ ഏറ്റവും കൂടുതല്‍ ടെസ്റ്റ് ജയങ്ങളിലേക്ക് നയിച്ച നായകനെന്ന നേട്ടവും കോലി പങ്കിടും. നിലവില്‍ മുന്‍ ഇന്ത്യന്‍ നായകന്‍ മഹേന്ദ്ര സിങ് ധോണിയുടെ പേരിലാണ് ഈ റെക്കോര്‍ഡ്. കളിച്ച 60 മത്സരങ്ങളില്‍ 27 തവണയാണ് ധോണിക്ക് കീഴില്‍ ഇന്ത്യ ജയിച്ചിട്ടുള്ളത്. ഇതേസമയം കോലിക്ക് കീഴില്‍ 46 മത്സരങ്ങളില്‍ നിന്നുതന്നെ 26 തവണ ഇന്ത്യ ജയം കണ്ടെണ്ടത്തിയിട്ടു@ണ്ട്.
ലോകകപ്പിലേറ്റ തിരിച്ചടിക്ക് ടി20 ലോകകപ്പില്‍ മറുപടി കൊടുക്കാനൊരുങ്ങുന്ന ഇന്ത്യ മികച്ച ഒരുക്കങ്ങളാണ് നടത്തുന്നത്. ടെസ്റ്റ് ലോക ചാംപ്യന്‍ഷിപ്പിന് തയ്യാറെടുക്കുന്ന ഇന്ത്യക്ക് വിന്‍ഡീസിനെതിരേയുള്ള മത്സരം മികച്ച മുതല്‍ക്കൂട്ടാകും. രാത്രി ഏഴ് മുതലാണ് മത്സരം.