റിയാദ്: പ്രളയ കേരളത്തിന് പ്രവാസത്തിന്റെ കൈത്താങ്ങ് എന്ന പേരില്‍ റിയാദ് ജനകീയ വേദി സംഘടിപ്പിച്ച സ്വാതന്ത്ര്യ ദിനാഘോഷ പരിപാടിയില്‍ ഇരുപതോളം സംഘടനകളുടെ പ്രതിനിധികള്‍ പങ്കാളികളായി. അപ്പോളോ ഡിമോറ ഓഡിറ്റോറിയത്തില്‍ നടന്ന പരിപാടിയില്‍ ശിഹാബ് കൊട്ടുകാട് അധ്യക്ഷത വഹിച്ചു.

വ്യവസായി അഹമ്മദ് കോയ ഫഌരിയ ഉദ്ഘാടനം ചെയ്തു. വിവിധ സംഘടനകളെ ഉള്‍പ്പെടുത്തി ജനകീയ വേദിക്കു രൂപം നല്‍കി. റിയാദിലെ മുഴുവന്‍ സംഘടനയുടെയും ബിസിനസ്സ് പ്രമുഖരുടെയും സഹകരണത്തോടെ ഫണ്ട് കണ്ടെത്തി ദുരിതാശ്വാസ കേന്ദ്രത്തിലേക്ക് സഹായമെത്തിക്കാന്‍ തീരുമാനിച്ചു. പ്രമുഖ മിമിക്രി കലാകാരനും ഗായകനുമായ നിസാം കാലിക്കറ്റ്, കുളിര്‍ ഷമീര്‍, പതിനാലാം രാവ് ഫെയിം ഹിബ അബ്ദുല്‍ സലാം എന്നിവര്‍ അവതരിപ്പിച്ച കലാ സംഗീത പ്രകടനങ്ങളും റിയാദിലെ വിവിധ ഗായകര്‍ സംഘടിപ്പിച്ച ഗാനമേളയും ശ്രദ്ധേയമായി.

സാംസ്‌കാരിക സമ്മേളനത്തില്‍ സുധീര്‍ കുമ്മിള്‍ നവോദയ, ശിഹാബ് കൊടിയത്തൂര്‍ അല്‍ മദീന, ഫഹീദ് ജരീര്‍ മെഡിക്കല്‍, ഡോക്റ്റര്‍ സൈദ് ഉറുദു മീഡിയ, അക്ബര്‍ വേങ്ങാട് റിയാദ് മീഡിയ ഫോറം, മജീദ്, ജയന്‍ കൊടുങ്ങല്ലൂര്‍, ഷഫീഖ് കിനാലൂര്‍, ലത്തീഫ് തെച്ചി, റഫീഖ് പന്നിയങ്കര, അസീസ് മാവൂര്‍, സാബു, അലോശ്യസ്, മജീദ് പൂളക്കടി, അസ്‌ലം പാലത്ത്, തസ്‌നീം, വിജയരാഘവന്‍, ഷാജഹാന്‍ ചാവക്കാട് തുടങ്ങിയവര്‍ സംബന്ധിച്ചു.