ഭുവനേശ്വര്‍: ഒഡീഷയിലുണ്ടായ തിത്‌ലി ചുഴലിക്കൊടുങ്കാറ്റില്‍ ഇതുവരെയായി 57 പേര്‍ മരിക്കുകയും 10 പേരെ കാണാതാവുകയും ചെയ്തതായി റിപ്പോര്‍ട്ട്. തിത്‌ലി ഒഡീഷയില്‍ നിരവധി നാശനഷ്ടങ്ങളാണ് ഉണ്ടാക്കിയത്. 17 ജില്ലകളിലായി 60.11 ലക്ഷം പേരെയാണ് തിത്‌ലി ബാധിച്ചത്.

സംസ്ഥാനത്ത് 2765 കോടി രൂപയുടെ നഷ്ടമുണ്ടായതായി ഒഡീഷ മുഖ്യമന്ത്രി നവീന്‍ പട്‌നായിക് പറഞ്ഞു. അടിയന്തരസഹായമായി കേന്ദ്രത്തോട് 1000 കോടി രൂപ ആവശ്യപ്പെട്ടിട്ടുണ്ടെന്നും പട്‌നായിക് പറഞ്ഞു.