കുറ്റിപ്പുറം: ഭാരതപ്പുഴയില്‍ കുളിക്കാനിറങ്ങി ഒഴുക്കില്‍പ്പെട്ട വിദ്യാര്‍ത്ഥികളില്‍ ഒരാളുടെ മൃതദേഹം കണ്ടെത്തി. മലപ്പുറം തവനൂര്‍ കച്ചേരിപ്പറമ്പില്‍ ചെറുവത്തൂര്‍ മൊയ്തീന്‍ ഖദീജ ദമ്പതികളുടെ മക്കളായ ഷാക്കിറിന്റെയും (21), ജുമി (18)യുടേയും മൃതദേഹങ്ങളാണ് കണ്ടെത്തിയത്.

ഷാക്കിറും സഹോദരങ്ങളുമുള്‍പെടെ നാലു പേരാണ് ഇന്നലെ പുഴയിലിറങ്ങിയത്. മലപ്പുറം പാലക്കാട് അതിര്‍ത്തി പ്രദേശമായ തൃത്താല കുമ്പിടി ഉമ്മത്തൂര്‍ കടവിലായിരുന്നു അപകടം. ഇതില്‍ ജുനൈദ് എന്ന കുട്ടിയെ ഇന്നലെ രക്ഷപ്പടുത്തിയിരുന്നു. ഷാക്കിറിന്റെ മറ്റൊരു സഹോദരിയായ ജാസി (11) ക്കു വേണ്ടി തെരച്ചില്‍ തുടരുകയാണ്. ഫയര്‍ഫോഴ്‌സും ,നാട്ടുകാരും മുങ്ങല്‍ വിദഗ്ധരുമാണ് തെരച്ചില്‍ നടത്തുന്നത്.

മരിച്ച ഷാക്കിര്‍ ബാംഗ്ലൂരിലാണ് പഠിക്കുന്നത്. ജുമിയും ജാസിയും എടപ്പാള്‍ ദാറുല്‍ ഹിദായ വിദ്യാര്‍ത്ഥികളാണ്.